The Definitive Guide to Living in the Capital , Cairo , Egypt

بيعتبر الـ “كاجو” من المكسرات اللي بتحتوي على كتير من الفوائد الصحية للجسم، منها إنه بيساهم في عملية إنقاص الوزن، ودي حقيقة علمية، رغم إن كتير من الناس فاكرين إنه بيزيد من وزن الجسم.. في الموضوع ده هنعرفكم على 4 فوائد صحية مدهشة لمكسرات الـ “كاجو” بحسب تقرير لموقع “Healthline” الطبي. بالإضافة لترشيحاتنا لـ 3 أماكن في القاهرة بتوفر المنتج ده بجودة عالية.

 

 

1 – سهولة إنقاص الوزن

كلنا عارفين إن المكسرات بشكل عام بتتميز بأنها غنية بالسعرات الحرارية والدهون، لكن على عكس الشائع، تناول الكاجو ممكن يقلل من وزن الجسم في حالة تناوله مع نظام غذائي صحي محدد السعرات الحرارية، وبالتالي ممكن يساعد في زيادة الشعور بالشبع نتيجة احتوائه على نسبة كافية من البروتين والألياف.

2 – تحسين صحة القلب

بيساعد تناول الكاجو بانتظام في خفض مخاطر الإصابة بالأمراض، ومنها أمراض القلب والسكتة الدماغية من خلال خفض مستويات الكوليسترول الضار والدهون الثلاثية، بالإضافة إلى خفض ضغط الدم خاصة لو تم تناوله بانتظام لمدة تتراوح من 4 إلى 12 أسبوع.

3 – تحسين مستويات السكر

بيحتوي الكاجو على نسبة جيدة من الألياف، وبالتالي بيمنع ارتفاع نسبة السكر في الدم، وبحسب دراسة علمية، فالأشخاص اللي بتناولوا 10% من السعرات الحرارية اليومية من الكاجو، عندهم مستويات أقل من مستويات الأنسولين بشكل عام، بجانب نسبة جيدة من الكربوهيدرات اللي بتعمل على تحسين مستويات السكر في الدم.

4 – تعزيز صحة الفم

تناول كمية مناسبة من الكاجو بشكل منتظم ممكن يساعد في تقوية صحة الأسنان والحماية من التسوس وتآكل مينا الأسنان، وده بسبب احتوائه على نسبة جيدة من الفسفور والنحاس وبالتالي سهولة القضاء على بكتيريا الفم.

تشتري منين “كاجو” بجودة عالية في القاهرة؟

1 – أبو عوف، رقمهم: 19969.

2 – المحمصة اللبنانية، رقمهم 19920.

3 – ياميش ومكسرات الموفق، رقمهم: 01222197348.