The Definitive Guide to Living in the Capital , Cairo , Egypt

يمنى أحمد

رمضان جه! الشهر اللي كل المصريين بيستنوه من السنة للتانية، وعلشان رمضان في القاهرة مختلف وتفاصيله كتير، أكيد هتكون تفاصيل التجهيزات له مختلفة برضه. كايرو 360 هتقدم لكم في السطور الجاية 5 أماكن تقدروا تجيبوا منها أفضل ياميش رمضان في القاهرة لعام 2023.

منطقة باب البحر

دي موجودة جنب ميدان رمسيس، بتبدأ من ورا المسجد عند الفجالة كده، متوفر فيها كل أنواع الياميش، وأسعارها كويسة وبجودة حلوة، وتقريبًا هيا من أشهر وأقدم الأماكن اللي بتبيع ياميش رمضان في القاهرة.

منطقة باب الشعرية

المنطقة كلها غنية بالمحلات اللي بتبيع ياميش رمضان، بل هيا كمان من أهم المناطق اللي الياميش فيها رخيص وبتتميز بجودة منتجاتها. وأسهل طريق توصل ليها بيه هو مترو باب الشعرية من الخط التالت.

معارض أهلًا رمضان

معارض أهلًا رمضان متوفرة في كل مكان في القاهرة، واللي بتوفرها الحكومة لبيع كل الياميش والمكسرات بأسعار معقولة. هتلاقي المعارض دي في الميادين الكبرى والمناطق المشهورة في القاهرة زي ميدان رمسيس وميدان الجيزة وغيرهم.

سوق العطارين بحي الأزهر

الشارع ده مش بس بيبيع توابل وعطارة، لكن هتلاقي هناك كل أنواع الياميش اللي تتخيلها واللي متتخيلهاش، بأسعار متنوعة، جملة وقطاعي. كمان هتلاقي فيه محلات من أيام القرن الـ 19، والشارع فيه بصمات الحياة الفاطمية في مصر اللي أصلًا اخترعت ياميش رمضان.

منافذ وزارة الزراعة

كمان وزارة الزراعة حبت إنها تقدم الياميش بأسعار كويسة نظرًا للأزمة الاقتصادية اللي البد بتمر بيها، فوفرت جميع أنواع الياميش والمكسرات.

 

كل سنة وأنتم طيبين يا أهل القاهرة!