5 أماكن في القاهرة لازم تجرب فيهم الفطير المشلتت الأصلي
احسن مطاعم فطير في القاهرة اكل مصري اكلات شعبية مصرية اماكن فطير مشلتت في القاهرة تراث مصري فطير مشلتت فطير مشلتت مصري مطاعم فطير مطاعم مصرية
Cairo 360
رنا شرف
الأكل المصري مش مجرد وجبة بناكلها، ده جزء كبير من ثقافتنا وهويتنا. دايمًا الأكلات الشعبية مرتبطة باللمة، بالمناسبات، وبالفرحة. ومن أكتر الأكلات اللي واخدة مكانة خاصة في قلبنا كلنا هو الفطير المشلتت.. اللي بيجمع ما بين الطعم الأصيل والذكريات الحلوة.
وعلشان كده، جمعنالكوا النهارده 5 أماكن في القاهرة بتعمل أحلى فطير مشلتت زي ما بيقول الكتاب:
سميحة
سميحة من أهم الأماكن اللي بتخطر في البال لما حد يقول “فطير”. عندهم كل الأنواع وبجودة عالية جدًا، والأسعار بالنسبة للجودة ممتازة. ليهم فروع في أكتوبر والتجمع.
عم سمير
الاسم الأشهر دلوقتي في عالم الفطاير. مش بس الفطير المشلتت، لكن كمان عنده ابتكارات زي فطير البسبوسة وفطير الجبنة المشكلة. عم سمير فروعه موجودة في المعادي، الدقي، وأماكن تانية.
إيتري (Eatery)
إيتري مش متخصص في الفطاير بس، لكن الفطير المشلتت عنده حكاية تانية. لو حابب تبدأ يومك بفطار شرقي على أصوله، هتتبسط جدًا. بس خد بالك إن الأسعار عندهم عالية شوية.
الأنفوشي
بدأ من إسكندرية ووصل للقاهرة. الأنفوشي مشهور بأنواعه الكتير من الفطاير سواء الحلو أو الحادق، وطبعًا المشلتت موجود بقوة. ليهم فروع في مدينة نصر وأكتوبر.
الأصدقاء
من أقدم وأشهر محلات الألبان في إسكندرية وحاليًا في القاهرة، لكن مش بس ألبان.. الأصدقاء عندهم كمان فطير مشلتت معمول زي بتاع زمان. وميزة المكان إنك ممكن تاكل الفطير مع الجبنة البلدي المميزة بتاعتهم.
مقترح
فن وثقافة
من هوليوود إلى الجيزة: المصريون القدماء بين السينما العالمية والمتحف المصري الكبير
Grand Egyptian Museum أهرامات الجيزة +8
الحياة في كايرو
