5 براندات مصرية 100% للنظارات الشمسية هتخلي صيفك أشيك وأروق!
NILE Eyewear own the trend twizzy velvet accessories wideye أكسسوار صيفي براندات مصرية موضة صيف نظارات ستايل نظارات شمس
Cairo 360
أسماء راضي
الصورة الرئيسية: Daniel Lincoln
لقراءة المقال بالإنجليزية اضغط هنا.
سواء كنت بتسوق في الشمس، ماشي في الشارع، رايح البحر، أو حتى قاعد في البلكونة، النظارة الشمسية دايمًا بتكون صاحبك الوفي في صباحات الصيف. علشان كده مهم تختار نظارة شكلها شيك وتعيش معاك طول الصيف من غير ما تتجرح أو لونها يبهت.
لو بتدوّر على حاجة تجمع بين الشياكة والجودة، جمعنالك 5 براندات مصرية للنظارات الشمسية هتخلي استايلك on point.
Images via Velvet Accessories
Velvet Accessories
البراند دي جاية من خلفية تقيلة في صناعة الإكسسوارات والمجوهرات، وعندهم خبرة طويلة في إنتاج قطع شيك بتعيش سنين من غير ما يتغير لونها أو تبين فيها علامات استخدام. نفس الحكاية لما قرروا يدخلوا عالم النظارات الشمسية!
Velvet عندهم كذا كولكشن مميز زي Elina، Lydia، وMonroe، كل واحدة منهم ليها شخصية مختلفة وجرأة تكمل اللوك بتاعك وتبرز ستايلك.
اعرفوا عنهم أكثر من هنا.
Image via Twizzy
Twizzy
لو بتدور على نظارة ستايلها قوي وحديث، Twizzy هو العنوان! البراند بيقدّم تصاميم ملفتة للنظر للرجالة والستات، كلها بتجمع بين العصرية والجرأة.
زوروا موقعهم وشوفوا الكولكشن بنفسكم، ومن هناك تقدروا تطلبوا اللي يعجبكم.
Image via Own The Trend
Own The Trend
البراند ده فكرته اتولدت في كندا على إيد كابل مصري حابب يقدم حاجة مختلفة في عالم الموضة. Own The Trend بيقدّم نظارات شمسية بجودة عالية جدًا، وبأسعار مناسبة، وموديلات شيك تناسب الرجالة والستات.
تقدروا تطلبوا من موقعهم أو تزوروا أحد فروعهم في القاهرة الجديدة أو الشيخ زايد زي: JAY – Can Limón – Capital Promenade.
Image via WIDEYE
WIDEYE
لو نفسك في نظارة معبرة عن شخصيتك ومافيش زيها، WIDEYE هو اللي بتدور عليه. البراند بيقدم تصاميم جريئة وأوريچينال للستات والرجالة، كلها ألوان وشخصية تخطف العين وتكمل لوكك بستايل مش معتاد.
اطلبوا اللي يعجبكم عن طريق رسايل إنستجرام.
Image via NILE EYEWEAR
NILE EYEWEAR
ده البراند اللي نقدر نقول عليه أصل الشياكة المصرية في عالم النظارات الشمسية. تصاميمهم دايمًا فيها لمسة من الابتكار والإبداع، سواء كنت بتحب البساطة أو النظارات اللي بتلفت الانتباه.
براند كلاسيك وعصري في نفس الوقت، ومتاح ليه فروع كتير في مصر، وكمان تقدروا تطلبوا من موقعهم مباشرة.
مقترح
معالم وسياحة
5 وجهات ساحرة قريبة من القاهرة لقضاء إجازة عيد الأضحى 2025 بعيدًا عن الزحمة
أماكن للسفر قريبة من القاهرة اقتراحات لإجازة عيد الأضحى 2025 +4
الحياة في كايرو
