The Definitive Guide to Living in the Capital , Cairo , Egypt

شراء احتياجات البيت من الحاجات المرهقة، خاصة لما تكونوا بتشتروها بالأسبوع أو الشهر، واللف على المتاجر المختلفة بتتعب، ولكن مع التطور التكنولوجي بقى دلوقتي موجود تطبيقات كتير جدًا بتوفر لكم كل مستلزمات البيت وأنتم في مكانكم، وده بعيدًا عن أنه مريح ولكنه هيخليكم محددين احتياجاتكم وهتطلبوها على قد ميزانيتكم بدون ما تزودوا حاجات ملهاش لازمة، وكمان التوصيل بيكون خلال دقائق في تطبيقات كتير.

 

انستا شوب

بيوفروا كل احتياجات المنزل في المناطق المتاحة عندهم من السوبر ماركت والخضار والفاكهة والمحلات المتخصصة المختلفة، وبيتميزوا بخدمة عملاء ممتازة وبيعملوا عروض على طول.

تقدروا تعرفوا أكتر عنهم من  خلال صفحة الفيسبوك من هنا.

 

مرسول

بيجيبوا كل حاجة وأي حاجة، نظامهم مريح شوية أنكم ممكن تطلبوا أي حاجة حتى لو من مكان بعيد وهتوصلك لحد عندك، ولكن يعيبه أن مالوش سعر توصيل ثابت، بيختلف من شخص لآخر حسب الدليفري.

تقدروا تعرفوا اكتر عنهم من خلال صفحة الفيسبوك من هنا.

نون

أيوة، هي نون المتجر الإلكتروني الكبير، تقدروا تطلبوا منه مستلزمات البيت وحاجات كتير جدًا وبتوصلكم خلال دقائق، صحيح الخدمة مش شغالة في كل حتة لكنها بداية موفقة ليهم ومغطيين أماكن كتير.

تقدروا تعرفوا أكتر عنهم من خلال صفحة الفيسبوك من هنا.

 

طلبات

من أهم التطبيقات اللي بتقدم خدمة الدليفري لاحتياجات المنزل، وعندهم طيارين في كل المناطق تقريبًا والأوردر بيوصل بسرعة فعلًا وتقدروا تطلبوا من مخزنهم أو من الأماكن اللي متعاقدين معاها.

تقدروا تعرفوا أكتر عنهم من خلال صفحة الفيسبوك من هنا.

 

رابيت

من التطبيقات اللي تقدروا تعتمدوا عليها في شراء كل احتياجات البيت، ولكن هما موجودين في مناطق قليلة شوية، وإحنا جربناهم من فترة وكانت خدمتهم كويسة، وهتلاقوا عندهم خصومات وعروض حسب المنتجات.

تقدروا تعرفوا أكتر عنهم من خلال صفحة الفيسبوك من هنا.