Cairo 360
لو بتفكر تشتري لابتوب، أو بالفعل عندك واحد، ضروري تهتم بالشنطة اللي هتشيلها فيه. لأنها طبعًا أكتر حاجة هتحافظ عليه، وتحميه من التعرض للخبط أو الكسر. وقبل ما تشتري الشنطة، تعالى نتعرف على أهم النصائح اللي هتفيدك في شرائها:
1- لازم تراعي أبعاد الجهاز وحجم الشاشة. بحيث يكون اللابتوب بالكامل محاط جوة جيب الشنطة.
2- بطانة الشنطة لازم تكون كويسة، علشان ماتجرحش اللابتوب. وكمان لازم الشنطة تكون مناسبة تتشال على الظهر.
3- لو بتمشي مسافات طويلة أثناء استخدامك للجهاز، يفضل تكون الشنطة مزودة بترولي.
4- لو بتركب عجلة كتير، لازم يكون فيها حزام الصدر والوسط. علشان تتثبت بأكبر قدر ممكن.
5- يفضل يكون فيها جيوب إضافية للمحفظة، زجاجة المياه، سلسلة المفاتيح، وغيرهم. علشان تقدر توصلهم من غير ما تفتح الجيب الرئيسي.
6- وأكيد ماننساش إن تصميمها وشكلها يفضل يكون جذاب وعصري.