The Definitive Guide to Living in the Capital , Cairo , Egypt

في ظل ارتفاع الأسعار، ناس كتير لما بتقرر تشتري عربية بتبعد عن الجديد. وتتجه لشراء المستعمل. من حيث إنه بيكون سعره أقل، وفيه اختيارات متنوعة. وكمان بتكون العربيات حالتها كويسة. وعلشان كده لو بتفكر تشتري عربية مستعملة، خد بالك من النصائح دي:

1- تحديد الميزانية

لما تكون عارف الميزانية بتاعتك كويس، بتقدر تحصر اختياراتك في الأنواع. وده طبعًا بيوفر عليك وقت ومجهود كبير، ممكن يضيع على الفاضي في أنواع ماتناسبكش.

2- تحديد النوع

بعد تحديد ميزانيتك، بتبدأ تحدد النوع اللي يناسبك من القائمة المتاحة قدامك. وده حسب احتياجك الشخصي ومتطلباتك.

3- الفحص الفني

لازم وقت فحص العربية يكون معاك أحد الفنيين المتخصصين. لأن مهما كانت خبرتك كمشتري في عالم السيارات، أكيد الفني أو الميكانيكي هيعرف أكتر منك.

4- التجربة

لازم تجرب العربية بنفسك قبل ما تدفع الفلوس. وتتأكد من كل إمكانياتها ومدى تأقلمك معاها.

5- الصيانة الدورية

الموضوع مش بينتهي عند شراء العربية، لكن الصيانة والمتابعة الدورية شيء ضروري لأي عربية.

6- سعر البيع

أهم حاجة تحطها في الحسبان، هي مدى رواج العربية دي في أوساط المجتمع. علشان لما تقرر تبيعها ماتخسرش كتير.