The Definitive Guide to Living in the Capital , Cairo , Egypt

في ليالي الشتاء الباردة، مفيش شيء يُضاهي دفء كوب السحلب المميز، ولكن السؤال اللي حيّرنا، نلاق فين سحلب أصلي يرجع لنا ذكريات الزمن الجميل؟!، وهنا قررنا نعمل بحث ونشوف هنوصل لايه، وهنا كانت المفاجأة، السحلب بتاع “ساعة لكرشك مع أبو الأصبار” كان مميز جدًا وخلينا نقول أننا اكتشفنا كنز من مدينة دمياط، بطعم منقدرش ننساه لأنه جمع ما بين الجودة والأصالة، وخلال السطور اللي جاية هنقولكم أكتر عن سحلب “ساعة لكرشك مع أبو الأصبار”.

مغامرة تذوق السحلب

بدأت رحلتنا زي ما كتير منكم بيعمل، سألنا رواد السوشيال ميديا عن أفضل سحلب في مصر، وبعد ترشيحات كتير قررنا نخوض تجربة مقارنة شملت ثلاثة أنواع: سحلب سايب من محلات العطارة العادية، وسحلب من ماركة تجارية مشهورة وعندهم سلسلة محلات معروفة، وأخيراً سحلب من دمياط اسمه “ساعة لكرشك مع أبو الأصبار”.

وكانت المفاجأة المذهلة، رغم توقعاتنا المتواضعة، السحلب الدمياطي عدى كل التوقعات بجودته الفائقة وطعمه المميز اللي نقلنا مباشرة لسحلب زمان، بطعمه الأصيل اللي اتعودنا عليه في بيوت أجدادنا.

ايه المميز في سحلب دمياط؟

سحلب “ساعة لكرشك مع أبو الأصبار” بييجي في علبة مستطيلة متقفلة كويس وبيتباع كل نصف كيلو لوحده، ولكن السر الحقيقي موجود في التفاصيل لأنه السحلب بيكون معاه كيس مليان مكسرات محترمة مع علبة فيه بنقد وعين جمل وجوز هند بجودة استثنائية وبتحميص يومي وبيتي، وكمان بيكون معاه علبة صغيرة اسمها “تونة” بيكون فيها قرفة بجودة عالية، ودي نصيحة البراند اللي أكد لنا أن القرفة هتخلي طعم السحلب في حتة تانية، وخلينا نقول أن السحلب سعره كقيمة أقل من الجودة المتميزة اللي معمول فيها السحلب واللي محتاج منكم معلقتين كبار علشان تعملوا كوباية واحدة، وهتحسوا جواه بطعم السمسم والسوداني وكمان جوز الهند.

اختبار حقيقي لجودة السحلب

قررنا نشكك في رأينا وقررنا نعزم 4 أشخاص بفئات عمرية متنوعة على سحلب “ساعة لكرشك” علشان نعرف رأيهم، واخترنا مجموعة سنهم (67، 50، 42، 36) سنة، وكانت النتائج مبهرة والأول 67 عام، قال “ده سحلب ستي اللي كانت بتعمله زمان”، والتاني 50 سنة وضح بنبرة حنين “كنت بشرب نفس طعم السحلب ده في القهوة زمان بـ20 قرش”، أما صاحب الـ42 ربيعًا أكد أن “الطعم ده حكاية، بيفكرني بمشروبات زمان وسط ليالي الشتاء القارصة”، وأخيرًا صاحب الـ36 سنة قال “رغم اني مش من هواة السحلب ولكن أول مرة أجرب نوع سحلب يخليني عاوز منه تاني”.

الجميل في التجربة أن فيه 3 من الـ4 أشخاص دول طلبوا سحلب من نفس المكان فورًا بعد ما داقوا أفضل سحلب في مصر.

ليه سحلب دمياط الأفضل؟

في وسط زحمة المنتجات التجارية، هيفضل البحث عن الأصالة والجودة الحقيقية هو التحدي الأكبر، سحلب “ساعة لكرشك مع أبو الأصبار” من دمياط مش مجرد مشروب شتوي لكن هو رحلة للماضي بجودة الحاضر، لأن الجودة العالية هيكون طعمها أصيل، فلو كنتوا بتدورا على أفضل سحلب في مصر أو عاوزين تجربة بطعم زمان أو محتاجين هدية شتوية مميزة للبيت فالتجربة الدمياطية تستحق الإكتشاف.

نصيحة أخيرة

متنسوش تضيفوا توت القرفة الخاص اللي بييجي مع العلبة، لأن دي لمسة سحرية هتخلي الطعم “يروح في حتة تانية” زي ما قال صاحب الفكرة.

إزاي تطلبوا السحلب أونلاين؟

الموضوع سهل جدًا وبسيط، كل الحكاية أنكم هتدخلوا على صفحة الفيسبوك الخاصة بـ”ساعة لكرشك مع أبو الأصبار” من هنا أو من خلال واتس آب رقم 01223700045، وهتطلبوا السحلب سواء سادة أو بالمكسرات والكمية المطلوبة وبتسجلوا تفاصيل العنوان والاسم ورقم التليفون وبيوصلكم المنتج خلال 3 أيام عمل لأي مكان في مصر، ولكن خلوا بالكم أن فلوس الكمية المطلوبة بتبعتوها الأول عن طريق محفظة هاتف أو انستا باي، ورغم اعتراضنا على الدفع المقدم إلا أن التجربة خلتنا نتأكد أنه يستاهل الدفع الأول.