The Definitive Guide to Living in the Capital , Cairo , Egypt

فيه نوعين من الناس، ناس بتستنى الفرصة تخبط على بابها، وناس تانية بتكسر الباب وتعمل هي الفرصة، ده بالظبط ملخص لقصة شابين مصريين قرروا إنهم مش بس هيشربوا قهوة، دول هيغيروا قواعد اللعبة في سوق القهوة في مصر، من خلال قصة ملهمة ريحتها قهوة، وخلال السطور الجاية هنقولكم على الحكاية من أولها.

من قلب المطبخ، مش من المكاتب، محمد خلف خريج لغات وترجمة، وأحمد الريس خريج إعلام، بدايتهم مش في شركات مالتي ناشيونال ولكن بدايتهم كانت من ورا “ماكينة القهوة”، اشتغلوا “باريستا” بإيديهم في كافيهات كتير، فهموا الصنعة، شربوا أسرار المهنة، والأهم من ده كله، فهموا “دماغ” العميل المصري واحتياجاته.

البداية

“خلف” و”الريس” لما فكروا يعملوا البيزنس الخاص بيهم، واجههم سؤال وجودي، “السوق مليان كافيهات بتفتح كل يوم هنزود إيه؟!”. الإجابة كانت في “المشكلة” اللي بتواجهنا كمصريين إننا عايزين قهوة بجودة الكافيهات بس مش كلنا عندنا رفاهية الوقت (أو الميزانية) إننا ندفع 200 و300 جنيه كل يوم في خروجة قهوة.

وهنا قرروا أنهم يجيبوا الكافيه لكل شخص عنده! القرار كان ذكي ومختلف، “مش هنفتح كافيه.. إحنا هنعمل قهوة تروح أي مكان”، وركزوا على فكرة الـ Specialty Coffee بس بمفهوم “سريع وعملي”، قهوة معاك في المكتب، في السفر، في البيت وقت المذاكرة أو الشغل والبريك، وكل ده بدون أي معدات معقدة.

Drip yourself بدأ بفلتر كوفي سهل يكون في الجيب، وعملواFilter Coffee  بنظام الساشيت الذكي فيه 15 جرام بن بجودة عالية (يمني، إثيوبي، كيني، أو جواتيمالي)، جاهز للتحضير فورًا، وكل اللي محتاجينه “كوباية ومياه سخنة”، وفي دقيقتين هتكونوا بتشربوا قهوة “مزاج” بسعر يبدأ من 240 جنيه للعلبة وده سعر ممتاز بالنسبة لأسعار الكافيهات.

وكملوا الاختراعات بالقهوة المركزة، يعني انتوا هتكونوا “باريستا” في البيت وده علشان يرضوا كل الأذواق ودخلوا كمان في تحدي صعب بتقديم الـ Coffee Pouch للسوق، وهو عبارة عن كيس فيه “خلاصة القهوة ” (Concentrated)، جاهز إنه يتحول لـ سبانيش لاتيه، وايت موكا، كراميل ماكياتو، أو كلاسيك موكا، بمجرد ما تضيفوا عليه اللبن أو المياه، والأجمد هنا هو السعر، الباوتش بيعمل حوالي 80 جنيه، وبيديك نفس طعم وجودة المشروبات اللي بقت أسعارها فلكية في الكافيهات، يعني هتشربوا قهوتكم المفضلة وهتوفروا لحد 70% من فلوسكم، ومن غير دليفري ولا انتظار.

اللي عجبنا في تجربة “خلف” و”الريس” إنهم مش داخلين “خناقة” مع الكافيهات. الكافيه هيفضل ليه وقته وموده للخروجات، لكن هما بيقدموا “الحل الذكي” للأيام العادية، وللناس اللي بتدور على الجودة والسعر في نفس الوقت، وعملوا كل حاجة بيعملها الباريستا بسهولة بدون شراء ماكينة قهوة متخصصة بأسعار فلكية، ووفروا للجمهور فلوس كتير مع جودة عالية،

في النهاية مشروع Drip yourself مش بس “بيع قهوة”، ده إثبات إن الشباب المصري لما بيشغل دماغه.. بيعرف يعمل حاجة قوية و”مظبوطة”.

تقدروا تعرفوا أكتر عنهم من خلال صفحة الفيسبوك من هنا.

وللشراء زوروا موقعهم الإلكتروني من هنا.