دليل أسعار كحك وبسكويت عيد الفطر 2026 في القاهرة.. أشهر وأفضل المحلات في العاصمة (محدث)
أسعار الكحك الدمياطي العبد بسكويت العيد تسيباس حلويات العيد شيكيتشوكولا عيد الفطر كايرو360 كحك العيد ماندرين قويدر محلات الحلويات في القاهرة
Mohamed Talaat
ريحة الكحك ولمة العيلة، مع كوباية الشاي بلبن أول صباح يوم العيد.. تفاصيل صغيرة قادرة تخلق بهجة عيد الفطر 2026 في كل بيت مصري، وعلشان اختيار “علبة الكحك” يعتبر من الطقوس اللي مانقدرش نستغنى عنها سواء كنتم من عشاق الكحك الكلاسيكي بالسمنة البلدي، أو بتدوروا على النكهات المبتكرة والتريندات الجديدة، جمعنا لكم في الدليل ده أسعار وتفاصيل أشهر محلات الحلويات في القاهرة علشان تختاروا الأنسب لكل الأذواق والميزانيات.
بيستاشيو: لمسة شامية وإبداع
متخصصين في العلب الجاهزة اللي بتجمع بين الحلويات المصرية الأصيلة والمعمول والبرازق السوري.
الأسعار
علب بسكويت 280 جنيه والمشكل 380 جنيه، علبة مشكل (1.2 كيلو): 400 جنيه، علبة مشكل الباشا (1.5 كيلو): 505 جنيه، علبة مشكل الهدية (1.6 كيلو): 610 جنيه، كحك سادة/ملبن/عجوة/عجمية: 380 جنيه، غريبة (عادي): 380 جنيه و(سوري): 545 جنيه، بيتي فور مشكل: 440 جنيه، والنكهات الخاصة: كحك (عين جمل – لوتس – نوتيلا) بـ 515 جنيه وكحك (فستق/كريمة فستق) بـ650 جنيه، والحلويات الشامية: معجون معمول سوري (485 جنيه) ومعمول عين جمل أو برازق 590 جنيه.
الفروع: متوفر أونلاين فقط مع خدمة توصيل متميزة.
تقدروا تعرفوا أكتر عنهم من خلال صفحة الفيسبوك من هنا.
الدمياطي: أصل الصنعة والتنوع
لو بتدور على تشكيلة واسعة تجمع بين المخبوزات التقليدية والنواشف، الدمياطي بيقدملكم خيارات ممتازة تناسب كل الأذواق.
الأسعار:
علبة لوكس 1 بسعر 600 جنيه، “بسكويت – كحك ساده – بيتي فور”، علبة لوكس 2، 800 جنيه “بسكويت – كحك ساده – بيتي فور – غريبة”، علبة لوكس 3، 950 جنيه “بسكويت – كحك ساده – بيتي فور – غريبة – كحك ملبن”.
علبة إسبيشيال 1 بسعر 750 جنيه “بسكويت – كحك ساده – كحك ملبن – بيتي فور – غريبة”، علبة إسبيشيال 2، 1000 جنيه “بسكويت – كحك ساده – كحك ملبن – بيتي فور – غريبة – بسكويت بسكريم – كوكيز”، علبة إسبيشيال 3 بـ1700 جنيه، “بسكويت – كحك ساده – كحك ملبن – كحك مكسرات – غريبة – غريبة لوز – بسكويت شيكولاته – كوكيز – سابليه”.
الفروع: البحر الأحمر – الشيخ زايد – مدينة نصر – 6 أكتوبر – المعادي – شبرا.
تقدروا تعرفوا أكتر عنهم من خلال صفحة الفيسبوك من هنا.
Chicichocola: الفخامة لعشاق التميز
الخيار الأمثل للباحثين عن الرقي والنكهات الغنية، مع ضرورة الحجز المسبق لضمان أعلى جودة، (يتم الحجز والاستلام بعد 7 أيام من أقرب فرع).
الأسعار
بسكويت: 1050 جنيه، غريبة: 1150 جنيه، بيتي فور: 1200 جنيه، كحك سادة: 1275 جنيه، كحك مشكل (عادي): 1290 جنيه و(مخصوص): 1310 جنيه، كحك ملبن أو عجمية: 1300 جنيه، كحك بندق: 1325 جنيه، كحك بيستاشيو (فستق): 1350 جنيه.
الفروع: الشيخ زايد – القاهرة الجديدة – مصر الجديدة – الزمالك – المهندسين.
تقدروا تعرفوا أكتر عنهم من خلال صفحة فيسبوك من هنا.
Meals & More : جودة بتوصلك لحد البيت
لو بتحبوا الفخامة والرقي والطلب أونلاين من غير زحمة فـMeals & More بيقدموا تشكيلة رائعة بأسعار تنافسية جداً.
الأسعار
كيلو، بسكويت (نشادر، برتقال، شوكولاتة، قرفة، ينسون): 285 جنيه، كحك (سادة، ملبن، عجوة): 340 جنيه والعجمية: 350 جنيه، كحك مكسرات (عين جمل) وعجمية: 460 جنيه، غريبة (سادة): 350 جنيه والمكسرات: 400 جنيه، بيتي فور (عادي): 350 جنيه ومكسرات: 400 جنيه، سابليه (عادي): 400 جنيه و(عين جمل): 480 جنيه، أما العلب المشكلة: عادي بـ 400 جنيه واللوكس بـ 450 جنيه.
الفروع: أونلاين فقط.
تقدروا تعرفوا أكتر عنهم من خلال صفحة الفيسبوك من هنا.
العبد: عشرة العمر في كل بيت
الإسم اللي مرتبط بفرحة العيد عند أهالينا زمان، بيقدم خيارات مرنة جداً للعلب عشان تناسب كل الاحتياجات.
الأسعار:
كحك سادة: ميني (18 قطعة) بـ 146 جنيه، وعادي (16 قطعة) بـ 150 جنيه، معمول ملبن أو عجوة (20 قطعة): 160 جنيه، كحك محشي (16 قطعة): عجوة بـ 175 جنيه وعجمية، ملبن، ملبن مستكة، بـ 180 جنيه وعين جمل بـ 225 جنيه، بيتي فور (32 قطعة): ممتاز بـ 190 جنيه ومكسرات بـ 245 جنيه، غريبة باللوز (32 قطعة): 270 جنيه، أما العلب المشكلة: نصف كيلو بـ 190 جنيه وكيلو (يحتوي على كحك وبيتي فور وبسكويت) بـ 350 جنيه.
الفروع: التواجد الأكبر بـ 40 فرع تغطي القاهرة والجيزة
تقدروا تعرفوا أكتر عنهم من خلال صفحة الفيسبوك من هنا.
تسيباس: شياكة التقديم وتنوع المذاق
بيتميزوا بنظام الباكيت والعلب القيمة جداً اللي تعتبر هدية مثالية في زيارات العيد.
الأسعار
منين (سادة/عجوة): 105 جنيه، بسكويت: نشادر بـ 120 جنيه وزبدة بـ 135 جنيه أما (جوز هند، برتقال، شوكولاتة، كوكتيل) بـ 130 جنيه، كحك: سادة بـ 140 جنيه، والملبن أو عجوة بـ 145 جنيه، وعجمية بـ 155 جنيه، غريبة سادة: 140 جنيه، بيتي فور: (شوكولاتة أو أبيض أو كوكتيل) بـ 159 جنيه، لوكس أو كانيلا شوكولاتة بـ 210 جنيه.
كمان عندهم علب مشكلة متنوعة زي علبة توجو (1.4 كيلو): 425 جنيه، علبة 6 باكيت (2.1 كيلو): 675 جنيه، علبة 8 باكيت (2.9 كيلو): 895 جنيه.
الفروع: مدينة نصر – القاهرة الجديدة – طريق إسكندرية الصحراوي – المعادي – مدينة المستقبل – أكتوبر – مصر الجديدة.
تقدروا تعرفوا أكتر عنهم من خلال صفحة الفيسبوك من هنا.
توماس: الكلاسيكية المودرن
بنظام الباكيت الفخم تقدروا تجمعوا علبتكم بنفسكم وتختاروا النكهات اللي بتحبها بالظبط.
الأسعار
كحك (ملبن/عجوة): 100 جنيه، والعجمية: 113 جنيه، والسادة: 120 جنيه، منين (عجوة): 100 جنيه والسادة أو عجوة: 140 جنيه، غريبة سادة: 110 جنيه، بسكويت (فانيليا): 115 جنيه والشوكولاتة: 120 جنيه، بيتي فور: 135 جنيه، معمول عجوة: 140 جنيه.
أما العلب المشكلة: تبدأ من 3 باكيت بـ370 جنيه، وتصل لـ 16 باكيت بسعر 1948 جنيه.
الفروع: مدينة نصر – القاهرة الجديدة – مدينتي.
تقدروا تعرفوا أكتر عنهم من خلال صفحة الفيسبوك من هنا.
الفاليرو: طعم الذكريات في أحياء القاهرة العريقة
من المحلات اللي ليها طابع خاص وارتباط قوي بالمناطق الحيوية، وبيقدم تشكيلة اقتصادية ومتنوعة.
الأسعار
علبة معمول أو فيونكة عجوة: 120 جنيه، ومعمول مكسرات: 150 جنيه، كحك: حبة البركة بـ 124 جنيه وسادة أو ملبن بـ300 جنيه وجوز هند بـ 420 جنيه، بسكويت: عجوة أو ملبن بـ 168 جنيه، وعادة بـ 175 جنيه، وبسكويت قطاعة “لوكس” بـ 220 جنيه ونشادر “ماكينة” بـ 245 جنيه، وقراقيش سادة أو عجوة، وقرص شمر أو عجوة: 200 جنيه، وكوكيز بـ270 جنيه، برازق: 240 جنيه، غريبة: سادة بـ 340 جنيه ولوكس بـ 400 جنيه، بيتي فور: عادة بـ 380 جنيه، ومشكل بـ 410 جنيه، ولوكس بـ 440 جنيه.
الفروع: مصر الجديدة – شبرا – وسط البلد – فيصل – المهندسين – مدينة نصر.
تقدروا تعرفوا أكتر عنهم من خلال صفحة الفيسبوك من هنا.
ماندرين قويدر: لكل كحكة حكاية
الكحك عند ماندرين قويدر بيحكي حكاية وبيتميز بالجودة والطعم المميز والرقي.
الأسعار
علبة بسكويت نشادر 333 جنيه، كعك سادة 360 جنيه، علبة كحك عجوة أو ملبن 342 جنيه، علبة بيتي فور ساده 395 جنيه، علبة بيتي فور فاخر أو غريبة 482 جنيه، علبة بيتي فور لوكس 526 جنيه، علبة كحك عين الجمل 570 جنيه، علبة كحك فسدق 965 جنيه.
الفروع: مصر الجديدة – الزمالك – المعادي – القاهرة الجديدة – الجيزة – مدينة نصر – الرحاب.
تقدروا تعرفوا أكتر عنهم من خلال صفحة الفيسبوك من هنا.
نصائح كايرو 360:
معظم المحلات بتوفر خدمة التوصيل المنزلي، الأفضل التأكد من أسعار التوصيل حسب منطقتك.
الأماكن اللي بتشترط الحجز المسبق، يفضل التواصل معهم بدري لتجنب زحمة الأيام الأخيرة.
ارجعوا للمقال باستمرار قبل ما تنزلوا تشتروا لأنه هيكون محدث بشكل دوري لكل المحلات المتميزة.
وكل سنة وأنتم طيبين من فريق كايرو 360.
