The Definitive Guide to Living in the Capital , Cairo , Egypt

الحلويات جزء أساسي من حياة كل المصريين، وفيه ناس كتير بيبدأوا يفكروا فيها قبل أي وجبة رئيسية، سواء فطار فيه كيك، أو غداء مع فاكهة، أو عشا بعده بسبوسة أو كوكيز. علشان كده، مطبخ الحلويات في مصر غني ودسم، دايمًا فيه جديد ومميز، ومش أي حد يقدر يقدم حاجة قوية فيه. ومن وسط ده كله ظهر Emma’s Kitchen، علشان يقدم حلويات بيتي مختلفة، أساسها منتجات صحية للأطفال قبل الكبار. ورغم إن مؤسستها نهى تخرجت من كلية الصيدلة وكان شغلها في المجال ده، إلا إن الحياة خدت مسار جديد، وقررت تنتقل لعالم صناعة الحلويات البيتي.

نهى حسام خريجة كلية صيدلة واشتغلت 6 سنين في مجالها وكان عندها شغف كبير للمطبخ بشكل عام والحلويات بشكل خاص، وبعد الزواج وبعد ما بقت أم أصبح عندها هاجس تدقق في كل حاجة بياكلوها الأولاد، وكانت بتسعى تقدم لهم حاجات حلوة طبيعية بدون مواد حافظة، وهنا شعرت أن المشكلة دي بتقلق كل أم ومن هنا قررت تعمل براند بيقدم حلويات بطعم مميز وجودة عالية بدون أي إضافات صناعية وبتعتمد على منتجات طبيعية 100%.

بتقدم نهى من خلال مشروعها Emma’s kitchen الحلويات بخامات متميزة منها “الشيكولاته البلجيكي – بيض أورجانيك – زبدة نيوزيلاندي” وغيرها من الخامات المتميزة وبتعتمد على أن كل منتجاتها بدون أي مواد حافظة زي ما وضحنا قبل كده، وعندها هدف للمنتجات بأن الطعم يكون حلو جدًا، وبيكون زي حلويات البيت، وباحترافية المحلات الكبيرة الشهيرة.

اسم Emma’s kitchen مرتبط بإسم باسم بنتها “إيما” وكمان لأنها بتحب الاسم ده، والمشروع انطلق من سنة من خلال الطلب أونلاين وبيقدموا حلويات مختلفة زي “كاب كيك – تيراميسو – براونيز – كوكيز – كيك”، ده غير أنها بتقدم حلويات متخصصة في رمضان والأعياد بنفس الجودة.

تقدروا تطلبوا من Emma’s مباشرة عبر موقعهم الالكتروني وصفحاتهم على السوشيال ميديا أو تزوروهم كل خميس في CSA المعادي اللي بيتواجدوا فيه اسبوعيا لتقديم منتجاتهم الصحية والمتميزة، وخلينا نقول أننا جربنا من عندهم البراونيز بالشيكولاته البلجيكي وكان طعمها متميز جدًا، وكمان اشترينا من عندهم الكوكيز وكانت خفيفة ولطيفة، وبعد تجربتنا قررنا نكتب عنهم علشان تجبروا الحلويات البيتي المتميزة.

الجميل في الموضوع أن لما اتكلمنا مع نهى عرفنا أن عندها خطط لتطوير البراند بتاعها وأولها أنها تقدم منتجات خالية تمامًا من السكر للأطفال وكمان تفتح كافيه صغير يكون مجتمع متعاون مش مجرد مكان للبيع والشراء فقط.

تقدروا تعرفوا أكتر عنهم من خلال صفحة الفيسبوك من هنا.

أو تطلبوا مباشرة من الموقع الالكتروني من هنا.