The Definitive Guide to Living in the Capital , Cairo , Egypt

سارة فرانسيس

الصورة الرئيسية: Arthur Brognoli on Unsplash

مع دخول موسم الاحتفالات، لبس الكريسماس بقى جزء أساسي في حفلات المدارس، حفلات الشغل، جلسات التصوير العائلية، وحتى السهرات الدافية في البيت. سواء بتدور على بدلة سانتا كلاسيكية، لبس ألفز لطيف، أو آكسسوارات تضيف بهجة للمكان.. فيه محلات كتير في مصر بتقدم اختيارات حلوة وجودتها كويسة. جمعنالك أحسن خمس أماكن ممكن تشتري منها في 2025 علشان تستقبل 2026.

Hedeya – هدايا

هدايا من الأماكن اللي ناس كتير بتثق فيها وهي بتحضر للمناسبات. بجانب لعب الأطفال والحاجات الأساسية، بيعرضوا كل سنة شوية قطع خاصة بالكريسماس زي لبس سانتا، طواقي، وآكسسوارات ظريفة. مناسب جدًا للأهالي اللي عاوزين لبس كريسماس مريح وآمن للأطفال، ومع آكسسوارات جاهزة تكمل اللوك.

Lil & Kim – ليل إند كيم

واحد من أشهر محلات الكوستيمز في مصر. هتلاقي عندهم مجموعة كبيرة جدًا من لبس الكريسماس للكبار والصغيرين: بدلات سانتا، لبس الإلفز، فساتين احتفالية، كابات، طواقي، وآكسسوارات لكل المناسبات. الأسعار متنوعة، وفيه تحديثات مستمرة قبل الموسم، ومع التسوق أونلاين الموضوع بيبقى أسهل.

In Your Shoe – إن يور شو

بوتيك صغير بس لطيف، وبيجيب قطع موسمية من وقت للتاني. لو بتدور على لبس مختلف شوية عن المتداول، حاجة ستايلها يدوي أو آكسسوارات معمولة مخصوص، يبقى In Your Shoe يستاهل زيارة. القطع عندهم دايمًا ليها روح مختلفة ومش شبه اللي في المحلات الكبيرة.

Happy Bufo – هابي بوفو

لو بتحب الستايل المرح والمبهج، Happy Bufo هيعجبك. عندهم دايمًا قطع لذيذة تنفع للحفلات أو التجمعات العائلية. مش محل كوستيمز بشكل كامل، لكن الروح المرحة في الحاجات اللي بيبيعوها بتخليهم اختيار ظريف لحاجات كريسماس خفيفة وأسعارها لطيفة.

Never Land Costume – نفر لاند كستم

من أقدم وأقوى محلات الكوستيمز في مصر. عندهم كوليكشن كامل للكريسماس: بدلات سانتا، لبس الإلفز، فساتين احتفالية، آكسسوارات، وأطقم جاهزة للأطفال والكبار. سواء محتاج حاجة لمسرحية مدرسة، تصوير، أو بارتي في الشغل، هتلاقي عندهم اختيارات كتير وأسعار متنوعة. ومع طلبات الأونلاين الكمية والتسليم مضمونين.