دليلك لأهم برامج المقالب على الشاشات المصرية
الشاشات المصرية الصدمة النهار برامج مقالب رامز تحت الصفر رامز جلال شفط دهون مقالب ورطة إنسانية
Cairo 360
فيه ناس كتير بتعشق برامج المقالب، يمكن علشان نسبة الضحك الكبيرة اللي فيها، وده بيخلينا نقدر نقاوم كل الظروف الصعبة اللي بنمر بيها حاليًا.
كايرو 360 جمعت لكم في الموضوع ده أهم برامج المقالب اللي هتتعرض على الشاشات المصرية السنة دي. تعالوا نعرفها مع بعض، علشان نعرف هنتفرج على إيه؟
الصدمة
برنامج “الصدمة”، بيعرض يومياً على شاشة قناة mbc، وبيقدمه أكتر من مذيع، منهم من مصر كريم كوجاك. وطبعًا البرنامج غني عن التعريف. مواقف مؤلمة ومؤثرة، بيحاول البرنامج يعرف إزاي الناس العادية هتتعامل معاها.
البرنامج بيميزه أنه بيتصور في أكتر من بلد عربي، وده بيخلينا نشوف نفس الموقف الناس هتتعامل معاه إزاي باختلاف البعض والعادات.
رامز تحت الصفر
يمكن ده أشهر برنامج مقالب في العالم العربي كله، رامز بيعمل مقالب صعبة جدًا في أهم نجوم العالم العربي. البرنامج بيعرض على شاشة إم بي سي مصر.
تقدروا تعرفوا معلومات أكتر عن البرنامج وعن النجوم اللي هيظهروا فيه السنة دي من اللينك ده.
عقارب الساعة
البرنامج بيعرض على شاشة قناة “النهار”، وبتقدمه المذيعة دعاء صلاح. وبيشارك فيه 30 شخصية مشهورة في مجالات مختلفة منها الفن والرياضة، وفكرة البرنامج باختصار هي أن الضيف بيتنكر في شخصية عادية وبينزل الشارع علشان يعرف إزاي الناس هتتعامل معاه وهو مش نجم.
شفط دهون
برنامج مقالب تاني بتعرضه قناة “النهار”، وهو “شفط دهون”، اللي بتقدمه المذيعة اللبنانية نانيتا، وفكرته باختصار بتعتمد على استضافة زوج وزوجة في عيادة تجميل، والزوجة بتبقى عاوزة تعمل عملية تجميل. لكن فيه بنت لبنانية في المكان بتعجب بالزوج. يا ترى الزوجة هتعمل إيه؟
مهمة مستحيلة
برنامج “مهمة مستحيلة” بتعرضه قناة “القاهرة والناس”، وبيقدمه أحمد الخطيب وعلاء حلمي، البرنامج بيفكرنا ببرامج الكاميرا الخفية اللي كنا بنتفرج عليها زمان.
ورطة إنسانية
بيشبه جدًا برنامج الصدمة، وبتعرضه قناة دي إم سي.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
