دوري أبطال أوروبا 2026.. دليلك الكامل لموعد القرعة والنظام الجديد والفرق المشاركة والقنوات الناقلة
الفرق المشاركة في دوري الأبطال القنوات الناقلة النظام الجديد لدوري أبطال أوروبا دوري أبطال أوروبا 2026 قرعة دوري الأبطال
Cairo 360
الصورة الرئيسية: Janosch Diggelmann
عشاق الكورة في كل مكان مستنيين قرعة دوري أبطال أوروبا 2026 بفارغ الصبر، لأنها الإشارة اللي بتعلن بداية الموسم الجديد من أقوى بطولة أندية في العالم. النسخة دي هي التانية بالنظام الجديد، واللي بيخلي المنافسة أصعب وأكتر إثارة.
إمتى وفين هتتعمل القرعة؟
القرعة هتتعمل يوم الخميس 28 أغسطس 2025 في مدينة موناكو بفرنسا. الحدث هيبدأ الساعة 7 مساءً بتوقيت القاهرة، وكل الأنظار هتكون متجهة هناك علشان نشوف أول المواجهات في النظام الجديد.
إيه هو النظام الجديد للبطولة؟
البطولة السنة دي فيها 36 فريق بدل 32. كل فريق هيلعب 8 ماتشات، 4 على ملعبه و4 برة. أهم ملامح النظام:
1- أول 8 مراكز هيتأهلوا على طول لدور الـ16
2- الفرق من المركز التاسع للـ24 هتلعب ملحق علشان نعرف مين هينضم للـ16
3- الأدوار الإقصائية لحد نصف النهائي هتكون ذهاب وعودة
4 الفريق الأعلى تصنيف هيلعب الإياب على ملعبه
الفرق المشاركة والمستويات
البطولة فيها أقوى فرق أوروبا، مقسومين على 4 مستويات. من أبرز الأندية:
المستوى الأول: ريال مدريد، برشلونة، مانشستر سيتي، ليفربول، بايرن ميونخ، باريس سان جيرمان، إنتر ميلان، تشيلسي، دورتموند
المستوى الثاني: آرسنال، يوفنتوس، أتلتيكو مدريد، باير ليفركوزن، أتالانتا، توتنهام، فياريال، آينتراخت فرانكفورت
المستوى الثالث: نابولي، أياكس، مارسيليا، سبورتنج لشبونة، آيندهوفن، سلافيا براج، أولمبياكوس، بودو جليمت
المستوى الرابع: موناكو، نيوكاسل، أتلتيك بيلباو، جالاتا سراي، بافوس، كيرات ألماتي، أونيون سان جيلواز وغيرهم
إزاي تتابع القرعة؟
تقدر تشوفها مباشرة على قناة بي إن سبورتس الإخبارية المفتوحة في المنطقة العربية، وكمان على قناة الاتحاد الأوروبي الرسمية على يوتيوب بشكل مجاني.
مقترح
الحياة في كايرو
جدول مواعيد قطارات القاهرة للإسكندرية والإسماعيلية ومرسى مطروح للهروب من حر الصيف
السفر بالقطار جدول مواعيد القطارات +4
معالم وسياحة
