رمضان على الشاشة.. 5 مسلسلات تناولت طقوس الشهر الكريم
أعمال تناولت شهر رمضان أعمال درامية عن رمضان تليفزيون رمضان على الشاشة مسلسلات رمضان مسلسلات مصرية
Cairo 360
رنا شرف
الصورة: Stephen Monterroso
شهر رمضان شهر الخير والفرحة، وماحدش يقدر ينكر إن الشهر العظيم ده مرتبط مع المصريين بالفن! من وإحنا صغيرين وإحنا بنردد أغاني رمضان وإحنا بنلعب بالفانوس، والفوازير علامة من علامات رمضان، أما عن الدراما فمسلسلات رمضان أصبحت ماركة مسجلة عند المصريين، لكن يا ترى إزاي تناولت الدراما المصرية طقوس شهر رمضان؟ في الموضوع ده هنكلمكم عن 5 مسلسلات كان شهر رمضان نجم من نجومها.
صيام صيام
من أشهر مسلسلات الفنان الكبير يحيى الفخراني والفنانة صابرين، المسلسل اتكلم عن شهر الصوم من زاوية مختلفة، من خلال حكاية الأستاذ صيام (قام بدوره يحيى الفخراني).
رمضان كريم
مسلسل جميل وله أكثر من جزء، من أفضل الأعمال اللي تناولت الحارة المصرية في شهر رمضان من حيث العادات والتقاليد في الشهر الكريم.
المال والبنون
من أهم الأعمال الدرامية بشكل عام، والأعمال اللي تناولت شهر رمضان بشكل خاص، ومن أهم مشاهد المسلسل مشهد المقارنة بين سفرة الحاج فراويلة (يوسف شعبان) وسفرة الحاج عباس الضو (عبد الله غيث). المسلسل أظهر طقوس شهر رمضان بشكل حقيقي وبسيط.
السقوط في بئر سبع
رغم إنه مسلسل جاسوسية في الأساس، لكن رمضان كان خيط مهم من خيوط المسلسل، خصوصًا وإن حرب أكتوبر 73 كانت في الشهر الكريم.
آدم
في مسلسل آدم للفنان تامر حسني والفنانة عفاف شعيب شوفنا جزء أساسي بيتكلم عن مصر في رمضان، وعادات الأسر المصرية خصوصًا منظر التجمع حوالين السفرة في وقت الإفطار.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
