The Definitive Guide to Living in the Capital , Cairo , Egypt

تليفزيون

كل اللي محتاج تعرفه عن تطبيق Watch iT! للمسلسلات

2019 watch it تطبيق تليفزيون دراما رمضان مسلسلات مشاهدة يوتيوب
كل اللي محتاج تعرفه عن تطبيق Watch iT! للمسلسلات
بواسطة
Mohamed Hamdy

خبر مفاجيء أعلنته شبكة إعلام المصريين، بقرارعدم عرض مسلسلات رمضان على يوتيوب. وتفعيل خدمة للمشاهدة الإلكترونية بتطبيق Watch iT!. اللي هتتعرض عليه المسلسلات والأفلام طول السنة مش بس في رمضان.

ومع انتشار الخبر قبل رمضان بيومين تقريبًا. بدأت الناس تسأل عن الخدمة، وإزاي هيتفرجوا، وإيه نظام الاشتراك.. إلخ. فحملنا التطبيق علشان نجيب لكم الإجابات كلها.

هل المسلسلات مش هتتعرض على التليفزيون؟

المسلسلات هتتعرض على التليفزيون عادي جدًا زي كل سنة. لكن إعلام المصريين قررت ماتعرضش المسلسلات على يوتيوب، وتخلي المشاهدة حصرية من خلال تطبيقها فقط.

إزاي أتفرج على المسلسلات بالشكل الجديد؟

من خلال تحميل تطبيق Watch iT! على التليفون المحمول لنظام أندرويد أو IOS. وممكن المشاهدة من خلال الموقع الإلكتروني نفسه. لكن المشاهدة مش مجانية، والموقع بيوفر 3 باقات للأشتراك: شهرية بـ 99 جنيه – نصف سنوية  بـ 555 جنيه – سنوية بـ 999 جنيه. وفي كل الأحوال الأسبوع الأول مجاني لتجربة الخدمة.

إيه هي مميزات وعيوب النظام الجديد للمشاهدة؟

من مميزاته إن المشاهدة مشروعة تمامًا، بعيد عن مواقع التحميل غير الشرعية. مفيش إعلانات خالص. كمان إعلام المصريين بتوفر حوالي 15 مسلسل، من أقوى الأعمال الرمضانية. يعني مافيش زهق.

أما عن العيوب، بالنظام ده المشاهدة هتكون بفلوس، وطبعًا دي حاجه مش مناسبة لكل الناس. كمان الموقع مافيهوش مميزات يوتيوب القوية من جوجل، زي القدرة على المشاهدة على التليفزيون مثلًا. كمان الموقع بيقع لوقت طويل نتيجة كثافة الدخول عليه.

مقترح