كل اللي محتاج تعرفه عن مسلسلات رمضان 2017
Mohammed Sabry
لو لسه مانزلتوش قنوات الدراما كلها عندكم، تقدروا تعرفوا تردداتها من هنا. ودلوقتي تعالوا ناخد لفة على تفاصيل وأبطال مسلسلات رمضان 2017:
سبع صنايع
مسلسل كوميدي، عبارة عن حلقات منفصلة ومتصلة.
بطولة: شريف رمزي – مي سليم
طاقة القدر
حياة شاب بيعيش في واحدة من المناطق الشعبية، اللي بتنتشر فيها تجارة المخدرات.
بطولة: حمادة هلال – يسرا اللوزي
ريح المدام
بتدور أحداث المسلسل في إطار كوميدي، عن مخرج بيقع في مشاكل كتير في شغله. وبيحاول يحلها مع صاحبه.
بطولة: أحمد فهمي – أكرم حسني – مي عمر
الحصان الأسود
المسلسل واخد سكة التشويق والإثارة، اللي مش غريبة على السقا.
بطولة: أحمد السقا – شيري عادل
خلصانة بشياكة
في شكل كوميدي، 3 شباب بيجتهدوا علشان يحققوا حلمهم.
بطولة: أحمد مكي – شيكو – هشام ماجد
في اللالا لاند
بعد نجاحها في سكة الكوميديا سنتين ورا بعض، دنيا سمير غانم لسه مكملة في نفس السكة.
بطولة: دنيا سمير غانم – بيومي فؤاد
كفر دلهاب
النجم يوسف الشريف عودنا على أعمال مميزة كل سنة. والسنة دي راجع بمسلسل عن السحر والشعوذة والرعب
بطولة: يوسف الشريف – روجينا
عفاريت عدلي علام
المسلسل بيتناول عدد من القضيا اللي بتواجه المواطن البسيط، في شكل كوميدي.
بطولة: عادل إمام – غادة عادل
الزيبق
أحداث المسلسل بتدور في عالم الجاسوسية، والمخابرات المصرية.
بطولة: كريم عبد العزيز – شريف منير
الجماعة 2
ده الجزء التاني من مسلسل الجماعة، اللي قام ببطولة الجزء الأول منه إياد نصار. وبيدور عن جماعة الإخوان المسلمين.
بطولة: عبد العزيز مخيون
طاقة نور
بيتكلم عن “ليل عبد السلام” قاتل محترف، بيتعرض لمشاكل في حياته الشخصية.
بطولة: هاني سلامة – حنان مطاوع
هربانة منها
مسلسل كوميدي، بترجع به ياسمين عبد العزيز لشاشة التليفزيون. بعد غياب 14 سنة.
بطولة: ياسمين عبد العزيز – مصطفى خاطر
أرض جو
المسلسل ده بيظهر فيه الفنان هيثم شاكر، في أول تجربة تمثيلية له.
بطولة: غادة عبد الرازق – هيثم شاكر
لمعي القط
كوميديا بتدور عن سائق أتوبيس مدرسة، بيدخل في مواقف مثيرة. لما والد أحد الأطفال بيخطف الأتوبيس ويطلب فدية.
بطولة: محمد عادل إمام – تارا عماد
اللهم إني صائم
بيدور عن نصاب، بيحتال على عدد من كبار رجال الأعمال.
بطولة: مصطفى شعبان – مي نور الشريف – ماجدة زكي
أيام حسن الغريب
شخص بيتورط في قضية رشوة، وبيحاول يثبت براءته.
بطولة: عمرو سعد – ريهام حجاج
الحلال
بنت مصرية فقيرة، بتحاول تتغلب على الفقر والبؤس من خلال الدجالين والسحرة.
بطولة: سمية الخشاب – بيومي فؤاد – يسرا اللوزي
عشم إبليس
دكتور بيتعرض لحادثة، وبيفقد الذاكرة. بيحاول بعد كده يستعيد ذاكرته.
بطولة: عمرو يوسف – دينا الشربيني
الحساب يجمع
دراما اجتماعية عن امرأة تعمل بمكتب خادمات، وتقوم بسرقة أحد المتعاملين مع المكتب.
بطولة: يسرا – إيمان العاصي
لأعلى سعر
الفنانة نيلي كريم، بتغير نشاطها من الكآبة والشحتفة، لعمل جديد بشكل رومانسي مختلفة.
بطولة: نيلي كريم – أحمد فهمي
واحة الغروب
بتدور أحداثه خلال القرن الـ 19، بعد فشل الثورة العرابية. عن ظابط بيتم نقله لواحة سيوة، بسبب أفكاره الثورية.
بطولة: خالد النبوي – منة شلبي
بين عالمين
دراما اجتماعية عن فكرة الاختيار، اللي ممكن يغير حياة إنسان كاملة.
بطولة: طارق لطفي – هشام سليم
الطوفان
بيدور عن الرغبة في تحقيق الثراء، ولو على حساب الأخلاق. وبتعتمد على البطولة الجماعية
بطولة: وفاء عامر – مجدي كامل – ماجد المصري
لعبة الصمت
دراما اجتماعية وتشويق
بطولة: ياسر جلال – محمود عبد المغني
حلاوة الدنيا
بعد ما يقرب ميعاد جوازها، بتكتشف “أمينة” إنها مريضة بالسرطان. وده بيخليها تعيد ترتيب كل حياتها.
بطولة: هند صبري – ظافر العابدين
لا تطفيء الشمس
بيدور المسلسل عن العلاقات العاطفية والإنسانية، بين العائلة الواحدة.
بطولة: ميرفت أمين – محمد ممدوح
هذا المساء
تدور الأحداث حول عالمين مختلفين تمامًا. من خلال الحارة الفقيرة، والمجتمع الراقي.
بطولة: أياد نصار – أروى جودة
فوبيا
المسلسل بيدور عن مرض الفوبيا، والأشخاص المصابين به. والمشاكل اللي بتقابلهم.
بطولة: خالد الصاوي – أيتن عامر
نوح
بيناقش المسلسل مجموعة من المشاكل، والقضايا الهامة في المجتمع.
بطولة: حسن الرداد – إيمي سمير غانم
كلبش
دراما بوليسية، عن ظابط بيقع في مشكلة كبيرة.
بطولة: أمير كرارة – أحمد سلامة
الدولي
بيدور المسلسل عن سواقين الشاحنات الكبيرة، والمواقف اللي بيتعرضوا لها على الطريق.
بطولة: باسم سمرة – رانيا يوسف
إزي الصحة
شاب بيشتغل في شركة أدوية، بيقع في حب بنت. لكن ظروفه المادية بتصعب عليه الجواز.
بطولة: أحمد رزق – أيتن عامر
قصر العشاق
سجين سياسي بيتعرف على واحد من لواءات إدارة السجون المصرية، وبيتعامل معاه.
بطولة: فاروق الفيشاوي – عزت العلايلي
رمضان كريم
بنت في الحارة الشعبية، بتحاول تدعي إنها من عائلة غنية. وبتقع في حب أحد الشباب.
بطولة: روبي – سيد رجب
30 يوم
دكتور نفسي بيكتشف سر مهم عن أحد الشخصيات. وبيطارده لمدة 30 يوم.
بطولة: آسر ياسين – باسل خياط
الحالة ج
ظابط شرطة بيدخل في علاقة، مع مديرة إحدى الهيئات الطبية.
بطولة: حورية فرغلي – أحمد زاهر
رمضان كريم.
مقترح
تسوق
خلّي السعادة تكمل.. تشتري منين أحلى شوكولاتة في القاهرة؟
أفضل أنواع الشوكولاتة أماكن بيع شوكولاتةـ محلات شوكولاتة +3
الحياة في كايرو
