The Definitive Guide to Living in the Capital , Cairo , Egypt

تليفزيون

لكل المأنتخين في البيت.. أفلام ومسرحيات هيعرضها التليفزيون المصري في العيد

أفلام العيد التليفزيون الواد سيد الشغال شاهد مشافش حاجة عيد الأضحى مسرحيات العيد
لكل المأنتخين في البيت.. أفلام ومسرحيات هيعرضها التليفزيون المصري في العيد
بواسطة
Mohamed Talaat

العيد فرحة، وأجمل فرحة، حتى لو قاعد ومأنتخ في البيت، لكن أكيد هتدور على حاجة تسليك، علشان كده إحنا في كايرو 360 هنعرفك خريطة أفلام ومسرحيات قنوات النيل المتخصصة علشان متزهقش ويكون عيد سعيد عليك.

نايل لايف

هتعرض أول أيام العيد مسرحية “الجوكر”، والفيلم العربي “علي بيه مظهر”، وفي السهرة حفل للفنان تامر حسني، وثاني أيام العيد مسرحية “هاللو شلبي”، وفيلم “سلامة في خير”، وفي السهرة تسجيل لحفل الفنان محمد محسن في محكي القلعة.

أما ثالث يوم العيد هتتعرض مسرحية “حزمني يا”، وفيلم  “فيفازلاطا”، ورابع يوم مسرحية “أنا وهو وهي”، وفيلم  “خطف مراتي”، وفي السهرة حفل مسجل للفنانة غالية بنعلي في محكي القلعة، وخامس يوم مسرحية “العيال كبرت”، والفيلم العربي “المصلحة”.

نايل سينما

 أول أيام العيد هتبدأ بأفلام “شقة مصر الجديدة”، و”بنات العم”، و”من أحب”، وثاني يوم، “السفاح”، و”عفريتة إسماعيل يس”، وفي اليوم الثالث هتعرض أفلام “حد صفر”، و”المصلحة”، وفي رابع أيام العيد أفلام “واحدة بواحدة”، و”المراهقات”.

 ماسبيرو زمان

هتحتفل بالعيد بأعمال نادرة، منها وأول يوم هتعرض مسرحية “السكرتير الفني”، وفي السهرة فيلم “سلفني 3 جنيه”، وثاني يوم هتعرض مسرحية “الجوكر”، وثالث أيام العيد مسرحية “حلمك يا شيخ علام”، وفي السهرة تعرض الفيلم “عائلة مشاغبة جدا”، وهيكون رابع يوم مع مسرحية “شاهد ما شافش حاجة”، وفيلم “ريا و سكينة”.

نايل كوميدي

أول يوم العيد هتذيع فيلم “شلة المحتالين”، ومسرحية “الهمجي”، وثاني يوم فيلم “ابن حميدو”، و”مسرحية مدرسة المشاغبين”، وثالث أيام العيد فيلم بنات العم ومسرحية “شاهد ما شفش حاجة”، وفي رابع يوم العيد فيلم “البنات عاوزة إيه”، ومسرحية “طار فوق عش المجانين”.

مقترح