The Definitive Guide to Living in the Capital , Cairo , Egypt

رمضان بتاع زمان وحشنا، ببرامجه الجميلة وفوازيره الممتعة، ومسلسلاته اللي كانت بتجمع كل الأسرة، ولو نفسكم ترجعوا بالزمن للماضي وتعيشوا من تاني شهر رمضان بتاع أيام زمان فأفضل حلو هو إنكم تتفرجوا على قناة ماسبيرو زمان، اللي هتخليكم تستمتعوا برمضان بتاع زمان، وفي السطور الجاية هنقولكم على مواعيد كل حاجة هتعرضها القناة.

الساعة 4:00 العصر هتعرض قناة ماسبيرو زمان فوازير عمو فؤاد، والساعة 4:45 هتشوفوا مسلسل أبو حنيفة النعمان، والساعة 5:20 هنتفرج على خواطر الشيخ الشعراوي.

أما الساعة 6:45 المغرب، فهتعرض قناة ماسبيرو زمان مسلسل الأطفال بوجي وطمطم، والساعة 7:00 هيكون ميعادكم مع برنامج حوار صريح، والساعة 7:30 فوازير نيللي “عروستي”، والساعة 9 هنشوف مسلسل بنت الحتة، ووراه على طول مسلسل خيال المآتة.

أما الساعة 9:30 مساءً فهيكون ميعادكم مع فوازير المناسبات، والساعة 10 برنامج كلام من دهب، والساعة 10:30 برنامج يا تليفزيون يا، والساعة 11:00 مسلسل المال والبنون.

أما الساعة 12:00 منتصف الليل فهيكون ميعاد عرض مسلسل ألف ليلة وليلة، والساعة 1:30 صباحًا برنامج الكاميرا الخفية، وبتختتم القناة أجواء رمضان زمان الساعة 2:00 صباحًا بمسلسل ونيس الجزء الأول.

تقدروا تتفرجوا على القناة على تردد 11842 أفقي 27500 على القمر المصري نايل سات.