ما لا تعرفه عن إعلان كرستيانو رونالدو
Hager Eissa
حقق إعلان حديد المصريين اللي ظهر فيه لاعب الكرة العالمي كرستيانو رونالدو نجاح كبير في مصر، كايرو 360 تواصلت مع صناع الإعلان ده علشان نجيب لكم شوية كواليس وتفاصيل ماتعرفوهاش عنه.
دعاية لمصر
في بداية تنفيذ أي إعلان لازم يكون له فكرة وبيتكتب له سكريبت زيه زي أي مسلسل أو فيلم، وده كان دور “أماني التونسي” اللي كتبت سكريبت الإعلان.
أماني أكدت لـ كايرو 360 أنها كانت سعيدة جدًا لما عرفت إن حديد المصريين أختاروا كرستيانو رونالدو لإعلانهم في رمضان السنة دي، و كان التحدي بالنسبة لها إزاي تكتب إعلان مدته طويلة والناس ماتزهقش منه.
اللي أسعد أماني أكتر إن الإعلان هيكون بالعربي وبالإنجليزي، وهي بتعتبر إن دي أجمل دعاية لمصر.
إزاي تم تنفيذ الإعلان
الإعلان منقسم لجزئين، جيل جديد من حديد، وجيل جاهز للمستقبل.
أما بالنسبة لتصوير الإعلان فكرستيانو ماجاش مصر علشان يصوره، ولكن الإعلان اتصور علي مرحلتين بأستخدام تكنولوجيا الكروما.
المرحلة الأولي أستعانوا فيها بدوبلير شبيه لكرستيانو لتصوير مشاهد التصوير الخارجي في الأماكن السياحية المصرية وتم تغطيه وجهه بقناع كروما وأستبدالها بعد كده بوجه كرستيانو في المرحلة النهائية.
أما المرحلة الثانية فهي تصميم أستديوهات بنفس التقنية وقيام كرستيانو بتمثيل باقي المشاهد.
وللي مايعرفش يعني إيه تقنية الكروما: فهي عبارة عن بناء ستديوهات بلون أخضر أو أزرق في الخلفية ويتم إزالتها بعد كده ووضع صور أو فيديوهات مكانها وهي بتستخدم لتوفير الوقت والمال وعمل المشاهد الصعبة أو المستحيلة زي شخص بيطير أو سقوط طائرة .. إلخ.
مخرج الإعلان عثمان أبو لبن قدر ينفذ ويقدم الإعلان بشكل تقني كبير مافيهوش غلطة، وعلشان كده ماحدش خد باله من الخدعة.
الإعلان خد وقت طويلة في تصويره وتم الاستعانة بعدد كبير من المتخصصين في المؤثرات علشان يخرج بشكل مناسب.
الإعلان باللغة الإنجليزية:
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
