The Definitive Guide to Living in the Capital , Cairo , Egypt

نتفليكس هي واحدة من أشهر شبكات المشاهدة حسب الطلب في العالم. يعني بمجرد اشتراكك في الموقع بتشوف مجموعة ضخمة من الأعمال السينمائية سواء مسلسلات أو أفلام أو وثائقيات. واللي معظمها منتجة خصيصًا لنتفليكس.

لكن كتير من المشاهدين بيحسوا بالتوهان داخل الموقع. خاصة المشتركين الجدد. نتيجة الكمية الهائلة المطروحة أمامهم من المسلسلات. علشان كده محرر كايرو360 هيقول لكم على أفضل 10 مسلسلات استمتع بيهم على نتفليكس.

 

 

Breaking Bad

مش بس أشهر مسلسل على نتفليكس. ده واحد من أشهر المسلسلات في تاريخ الفن! والتر وايت مدرس كيمياء شاطر جدًا في شغله. بيكتشف إصابته بمرحلة متأخرة نسبيًا من سرطان الرئة. وعلشان يأمن مستقبل أولاده بيضطر يعمل في تصنيع مخدر الميث. إعتمادا على خبراته في الكيمياء!

 

 

House Of Cards

لو بتحبوا السياسة. المسلسل ده بياخدنا في جولة داخل أروقة البيت الأبيض. وإزاي بتدار الولايات المتحدة والعالم. من خلال رحلة صعود رجل سياسة (فرانك أندروود) من عضو في مجلس الشيوخ الى رئيس للجمهورية. وننصحكم بمشاهدة المسلسل بسرعة لأن الموسم الأخير منه قادم بعد أسابيع معدودة.

 

Maniac

واحد من أحدث المسلسلات اللي تمت إضافتها الى نتفليكس. وبياخدنا في رحلة غريبة من خلال قصة شاب مريض نفسيًا بيتصاحب على سيدة بتعاني هي كمان من مشكلات. وبيتقابلوا من خلال تجربة غريبة وغير عادية بتتم عليهم. المسلسل بيجمع بين الكوميديا والفلسفة النفسية. وأداء إيما ستون، وجونا هيل في المسلسل أكتر من رائع.

 

13Reasons Why

بنت مراهقة بتقرر النتحار. لكن قبل ما تنتحر بتترك ورائها قائمة بـ 13 سبب كانوا السبب وراء انتحارها. ومع كل قصة بنكتشف أن الأشخاص الودودين اللي كانوا محاوطينها في حياتها كانوا مجرد مجموعة من الأشخاص السيئين المتنمرين. المسلسل بياخدنا في جولة في عالم المراهقين الأمريكيين بشكل غير أعتيادي.

 

 

Black Mirror 

مسلسل كامل معمول علشان يحذر الناس من أضرار استخدام التكنولوجيا بشكل غير صحيح في حياتنا اليومية. المميز في المسلسل أن كل حلقة منه بتقدم قصة منفصلة عن اللي قبلها يعني لا وجود للملل على الإطلاق. والحلقات بتتنوع ما بين الاكشن والرومانسية وحتى الرعب. لكن كلها بتحمل رسالة بضرورة إعادة النظر في سيطرة التكنولوجيا على الحياة والبشر.

 

 

Stranger Things 

لو من محبي الرعب والفانتازيا والدراما. المسلسل بيحكي عن شاب صغير بيختفي. وبيثير بأختفائة عاصفة من الأسئلة والأحداث اللي بتجبر جميع الأبطال على خوض سلسلة من المغامرات بشكل غير منقطع. واحد من أكتر المسلسلات اللي فيها غموض وأثارة ورعب واللي ممكن تشوفها على نتفليكس.

 

Orange Is the New Black 

لو كنتم من الناس اللي بيستهويها عالم السجون. والعلاقات الغريبة بين المساجين وبعضهم. المسلسل ده هيصحبكم في رحلة طويلة وممتعة في حياة سجينة. بداية من اليوم الأول لها في السجن وحتى كل التطورات اللي مش بس بتغير في طريقة تعاملها مع الأمور. لكن بتغير في شخصيتها بشكل كامل. لكن لازم ننوه أن المسلسل للكبار فقط.

 

Narcos 

واحد من أشهر الأعمال الفنية اللي تم إنتاجها عن تاجر المخدرات الأشهر في العالم بابلو سكوبار. وازاي تحول من مجرد شاب بسيط الى صاحب واحدة من أكبر امبراطوريات تصنيع وتهريب المخدرات في التاريخ.

 

The Crown 

لما الرومانسية تختلط بالسياسة يبقى أنت أكيد في المكان الصحيح! مسلسل بيحكي عن تعقيدات الحكم والحب في حياة الملكة اليزابث في النصف الثاني من القرن العشرين. ويعتبر واحد من أهم وأحلى المسلسلات على نتفليكس.

 

Ozark 

أما محبي عالم المخدرات فهيلاقوا في المسلسل ده اللي بيدوروا عليه. من خلال قصة محاسب بسيط بيجد نفسه متورط في عملية غسيل أموال ضخمة. ولو فشل فيها هيدفع هو وأسرته الثمن غالي.