The Definitive Guide to Living in the Capital , Cairo , Egypt

صحة ولياقة

“أبو مكة”.. سادس أفريقي يسجل 60 هدف في الدوري الإنجليزي

أبو مكة ليفربول ماني محمد صلاح نيوكاسل يونايتيد
“أبو مكة”.. سادس أفريقي يسجل 60 هدف في الدوري الإنجليزي
بواسطة
Omar Abd-elmaqsoud

بعد ترشحه لقائمة عظماء إفريقيا اللي اتكلمنا عنها الأسبوع اللي فات، يدوب بنهني “محمد صلاح” على الترشح ده، صحينا النهارده على إنجاز جديد لـ “أبو مكة” وهو إنه بقى سادس أفريقي يسجل 60 هدف في الدوري الإنجليزي “البريميرليج”، وبالتالي انضمامه بشكل رسمي لقائمة عظماء أفريقيا.

انضمام صلاح، لقائمة عظماء أفريقيا جه بعد ما سجل هدف رائع فى ماتش من ماتشات الجولة الخامسة من البريميرليج السبت 14/9 مع فريقه ليفربول في الدقيقة 72، وساهم في التأكيد على فوز الفرقة على نيوكاسل يونايتد بنتيجة 3-1.

الإيفواري “ديدييه دروجبا” يعتبر هوه الهداف التاريخي لأفريقيا فى الدوري الإنجليزي برصيد 104 هدف، في حين إن السنغالي “ساديو ماني” زميل “صلاح” في ليفربول جه في المرتبه الرابعة بـ 70 هدف، وبعده الإيفوارى “يايا توريه” بـ 62 هدف، وأخيراً محمد صلاح بـ 60 هدف.

الجميل في الموضوع إن التنافس بين صلاح وزميله ماني حامي جدًا، خاصةً بعد هدف صلاح الأخير واللي يعتبر الرابع ليه في الدوري، خلال الموسم الحالي، واللي يعتبر نفس رصيد ساديو ماني الموسم ده برضه، في حين إن صلاح وماني كانوا فازوا الموسم اللي فات بجائزة هداف الدوري بـ 22 هدف، يعني وارد جدًا إن رصيد أهدافهم يكون متساوي الموسم ده كمان، خلينا نشوف.

مقترح