The Definitive Guide to Living in the Capital , Cairo , Egypt

أعداد المنتحرين زادت مؤخرًا بشكل ملحوظ، خاصة بين الشباب، وأعلنت منظمة الصحة العالمية، أن كل 40 ثانية، في شخص فى العالم بيفكر في الانتحار، وبترتفع نسبة انتحار الشباب حول العالم وبتوصل لـ 55% من سن 15 إلى 45.

وعلشان تحموا نفسكم من المشاكل النفسية، ومن الأفكار الانتحارية، لازم تتكلموا مع صديق مقرب، أو تروحوا لطبيب نفسي، وفي كل الحالات لازم يكون على موبايلكم تطبيقات مهمة، ممكن تحميكم من كل الأفكار الانتحارية، وفي السطور الجاية هنقولكم على أفضل 4 تطبيقات لمواجهة الانتحار:

– تطبيق Headspace

بيقدم لك التطبيق بعض الأساليب اللي بتساعدك على تقليل التوتر في دقايق معدودة، بالإضافة إلى تقديم مئات الجلسات في الصحة الجسدية، وإدارة القلق والتوتر، ده غير الدروس المفيدة في نمو الشخصية.

– تطبيق Calm Harm

وهو تطبيق تم إنشاؤه وتطويره بشكل مخصوص للمراهقين، وبيستخدم المباديء الأساسية في العلاج النفسي، وبيشجع التطبيق ده المراهقين على إبعاد فكرة الإيذاء النفسي عنهم، وبيخلي حالتهم النفسية أفضل بكتير.

وتقدر تتحكم في التطبيق عن طريق تخصيص كلمات سر.

– تطبيق MoodTools

وبيوفر التطبيق ده خاصية Thought Diary اللي بتشتغل على تحسين الحالة النفسية ومعالجة الأفكار السيئة عن طريق تحليلها، وكمان التخلص من نماذج التفكير المشوه، ده غير إنه بيقدم بعض الأنشطة اللي هتخليك تستعيد الثقة بنفسك.

– تطبيق Stay Alive

بيقدم التطبيق ده خطة أمان فيها نصائح للأشخاص اللي عندهم أفكار انتحارية، وبيحتوى التطبيق على كل المهارات اللازمة لمواجهة الاكتئاب والانتحار، اللي حطها متخصصين في الطب النفسي.