The Definitive Guide to Living in the Capital , Cairo , Egypt

الأوميجا 3 أو الأحماض الدهنية، هي الدهون الصحية اللي بيحصل عليها الجسم، من بعض أنواع الغذاء. ونقصها له أضرار، وكمان بيكون له أعراض وعلامات بتبان على الشخص. والعلامات دي حسب ما نشرها “اليوم السابع” هي:

1- جفاف الجلد

نضارة البشرة ونعومتها بتقل مع نقص الأوميجا 3. لأنه بيساعد الجلد على امتصاص العناصر الغذائية السليمة، وطرد الزيوت الضارة.

2- تساقط الشعر

الأوميجا 3 موجودة في بصيلات الشعر وبتغذيه وتخليه لامع. وكمان بتدعم سماكته. نقصها بيسبب التهاب فروة الرأس، وتساقط الشعر.

3- تكسر الأظافر

الأظافر الضعيفة، اللي بتتكسر بسهولة. من علامات نقص الأوميجا 3. والدراسات أثبتت إنها من مصادر حيوانية، زي زيوت السمك. ودي بتكون أسهل من النباتات في امتصاص الجسم لها. علشان كده يُفضل تاكل أسماك زيتية زي السردينة والتونة.

4- الأرق

بعض دراسات جامعة أوكسفورد، لقت إن الأشخاص اللي عندهم مستوى عالي من الأميجا 3، بيتمتعوا  بجودة نوم أفضل، وعدد ساعات أكتر.

5- ضعف التركيز

قلة تناول الأسماك الزيتية، أو مكملات أوميجا 3، بيزود احتمال مواجهة مشاكل في التركيز.

6- التعب والإرهاق

حسب مركز جامعة ميريلاند الأمريكية، التعب هو واحد من الأعراض الشائعة لنقص الأوميجا 3. علشان كده تعزيز نظامك الغذائي بالزيوت الدهنية، بيزود معدلات الطاقة في جسمك.

7- آلام المفاصل

أحماض أوميجا 3 الدهنية، فيها عوامل مضادة للالتهابات. وده يخليها مهمة للأشخاص اللي بيعانوا من آلام المفاصل.

ومن أهم الأطعمة الغنية بالأوميجا 3:

سمك الماكريل – سمك السلمون – عين الجمل – فول الصويا – المحار – البيض – السردين – بذور الكتان – بذور الشيا – السبانخ.