إشادة جديدة من الاتحاد الدولي لكرة السلة بالبطلة المصرية “ثريا محمد”
الاتحاد الدولي لكرة السلة ثريا محمد فيبا كرة السلة
Cairo 360
مصر مليانة نماذج ملهمة وناجحة في مجالات مختلفة، ومن النماذج دي بطلتنا المصرية “ثريا محمد”، لاعبة كرة السلة بالنادي الأهلي ومنتخب السيدات، واللي أشاد بيها مؤخرًا الاتحاد الدولي لكرة السلة “فيبا”، وعبر عن سعادته بتحركاتها وأدائها في المباريات اللي شاركت فيها سواء مع النادي أو المنتخب.
ونشرت الصفحة الرسمية للاتحاد مؤخرًا فيديو بيظهر تحركات اللاعبة المصرية، مع المفاضلة بينها وبين ليزا بركاني لاعبة السلة الفرنسية، وظهر في الفيديو تعليق صوتي ومكتوب عن اللاعبتين.
وقال الفيديو إن “ثريا” كسرت القاعدة بالفوز ببطولة أفريقيا 2019، واعتبر إن النجمة اللي عمرها 24 سنة بتتميز بتحركات في الملعب أكثر من محمد صلاح، نجم نادي ليفربول.
BEST HANDLES in 3×3 women's game? Soraya vs. Berkani | FIBA 3×3
???????? Lisa Berkani ???? Soraya Mohamed ????????Who got the best handles in FIBA3x3 ?????
Posted by FIBA on Monday, February 10, 2020
وكان الاتحاد الدولي لكرة السلة “فيبا” اختار “ثريا محمد” من بين أفضل 10 لاعبات على مستوى العالم في 2019 في منافسات 3/3 خلال العام، بسبب المستوى اللي ظهرت بيه مع الفراعنة فى البطولة الأفريقية، واللي حصدت خلالها أفضل لاعبة، واللي أقيمت في أوغندا، وتوجت مصر بلقبها.
ونشر الموقع الرسمى للاتحاد قائمة بتضم أفضل 10 لاعبات خلال العام اللي فات، ومن بينهم لاعبة الأهلي، مع نشر معلومات عنها، ومنها سنها، والبطولة اللي فازت بيها، وكمان وصف الحركات اللي قامت بيها خلال مباراة نهائي كأس أفريقيا 3/3، مع وصفها بجملة “لازم تشوفها دايمًا في كل مرة تنطلق فيها في الملعب”.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
