“الخطيب” سفير النسخة الـ 32 لكأس الأمم الأفريقية 2019
الاتحاد الأفريقي لكرة القدم الكاف النادي الأهلي سفير كأس الأمم الأفريقية2019 محمود الخطيب
Omar Abd-elmaqsoud
من ساعات قليلة، وقبل انطلاق صفارة البداية لكأس الأمم الأفريقية اللي هتقام على أرض مصر خلال أيام، قرر الاتحاد الأفريقي لكرة القدم المعروف بـ “كاف” تنصيب الكابتن “محمود الخطيب” سفير لكأس الأمم الأفريقية 2019.
النادي الأهلي أكد على موقعه الرسمي إنه النادي وصله خطاب من الاتحاد الأفريقي لكرة القدم (الكاف) وضحوا فيه قرارهم باختيار “الخطيب” كسفير لكأس الأمم الأفريقية في نسخته الـ 32 السنة دي، واللي هتقام على أرض مصر يوم الجمعة الجاية.
المباراة الافتتاحية هتكون يوم الجمعة الساعة عشرة مساءً في استاد القاهرة، وهتكون بين منتخبنا الوطني و منتخب زيمبابوي.
وتعتبر النسخة الجديدة من كأس الأمم الأفريقية واللي هتبدأ في 21 من يونيو الحالي من أهم الأحداث الرياضية اللي بتستضفها مصر وأفريقيا بشكل عام، وعلشان كده بيتم تجهيز استعدادات كبيرة في كافة المحافظات اللي هتقام فيها أدوار المجموعات التمهيدية، وتجهيز الملاعب المخصصة لاستضافة المجموعات، وخصوصًا مباراة الافتتاح اللي هتكون على ستاد القاهرة بين مصر وزيمبابوي.
نسخة السنة دي من البطولة هيشارك فيها 24 فريق متوزعين على 6 مجموعات بواقع 4 فرق في كل مجموعة، هيصعد منهم الفريقين الأول والثاني للمجموعات الستة وبعدها هيصعد أفضل 4 فرق خدت المركز الثالث، وهتتحسب بعدد النقاط، وبعدين فرق الأهداف، وبعدين الأكثر تهديفًا، وبعدين دور الـ 16 والمباريات الاقصائية.
تقدروا تتعرفوا على مواعيد وقنوات عرض مباريات كأس الأمم الأفريقية من هنا.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
