The Definitive Guide to Living in the Capital , Cairo , Egypt

نجاح جديد قدر يحققه نجمنا المصري محمد صلاح مهاجم ليفربول الإنجليزي، وهو حصوله على جائزة أفضل لاعب للعام في النادي بعد تسجيله 31 هدف الموسم ده في جميع المسابقات.

وقال “مو” إن أكتر لحظات تميزه في موسم الفريق هي لما سدد الحارس البرازيلي أليسون رأسية في شباك ويست بروميتش وقدر يحرز بيها فوز ثمين للفريق ويضمن المشاركة في دوري أبطال أوروبا الموسم الجاي.

وأضاف “صلاح” اللي تفوق في تصويت المشجعين على فابينيو ونات فيليبس: “بالتأكيد أنا سعيد علشان الجائزة دي خصوصًا أنها تصويت المشجعين، لكن أهم لحظة في الموسم كانت الفوز وضمان التأهل لدوري أبطال أوروبا، أعتقد أني لعبت بشكل جيد الموسم ده، لكن الهدف مابيتعلقش بيا لكن بالفريق كله، عانينا كثير من غياب المشجعين، علشان كده فرحت جدًا بعودتهم في آخر مباراة بالموسم، أبرز لحظة في موسمنا كانت تسديدة أليسون، مش قادر أعلق على هدفه المذهل وسعيد علشانه، كانت رأسية رائعة فعلًا وغير متوقعة وماحدش يصدقها، قدر يساعدنا بهدفه الرائع وحصلنا على النقاط الثلاثة”.