The Definitive Guide to Living in the Capital , Cairo , Egypt

الفلفل الأحمر الحار، أو “فلفل الكايين”، يعتبر ملك الأعشاب الطبية. وبيتم استخدامه من آلاف السنين لعلاج مشاكل صحية مختلفة. في المقال ده هنتعرف على الفوائد الصحية للفلفل الأحمر الحار، حسب ما نشرها موقع “Health line”:

1- حرق الدهون

الفلفل الحمر بيحتوي على مادة “capsaicin”. وهي مادة بتعزز عملية الأيض. وده بيزود حرارة الجسم، ويخليه يحرق سعرات حرارية أكتر يوميًا.

2- قلة الإحساس بالجوع

بيقلل إنتاج هرمون الجريلين. وده هرمون الإحساس بالجوع. وبالتالي بيفضل إحساس الشبع مع الشخص لفترة طويلة.

3- خفض ضغط الدم

بيحتوي على مادة كابتسايين، اللي بتساعد على خفض ضغط الدم على المدى الطويل.

4- تحسين حالة الجهاز الهضمي

الفلفل الأحمر بيساعد على تعزيز دفاعات المعدة ضد العدوى. وزيادة إنتاج السوائل الهضمية. ده غير المساعدة في توصيل الأنزيمات للمعدة، وتسهيل الهضم عن طريق تحفيز الأعصاب في المعدة.

5- مسكن للألم

بيكون له قدرة قوية على تخفيف الألم، لو اتحط زي الكريم على الجلد. وكمان بيساعد في تقليل آلام المفاصل والعضلات، وآلام أسفل الظهر وبعد الجراحة وأمراض الأعصاب.

6- تحسين الصدفية

الصدفية من أمراض المناعة الذاتية، يعني جسمك بيهاجم نفسه. الفلفل الأحمر بيحسن الصدفية ويخفف الحكة. وكمان بيحسن مظهر المناطق المصابة بالصدفية.

7- تقليل مخاطر السرطان

الفلفل الأحمر بيهاجم العديد من المسارات المختلفة في عملية نمو الخلايا السرطانية. ويقدر كمان يموت الخلايا السرطانية. وبكده بيقلل خطر الإصابة بالسرطان، خاصة سرطان البروستاتا والبنكرياس والجلد.