The Definitive Guide to Living in the Capital , Cairo , Egypt

صحة ولياقة -
مقترح

تحدي ElFit للياقة البدنية: أكبر وأجمد حدث رياضي في مصر راجع للموسم الثاني على التوالي

تحدي ElFit للياقة البدنية: أكبر وأجمد حدث رياضي في مصر راجع للموسم الثاني على التوالي
بواسطة
Cairo 360

من 15 سنة فاتت، لو حصل وتكلمت بالغلط وسط أي مجموعة عن قرارك أنك تعيش بشكل صحي، أو أبديت حتى اهتمامك بالحفاظ على لياقتك البدنية، كان زمانك شربت “تريقة” للصبح. ولكن الموضوع اختلف الأيام دي، وبدأ الوعي بالحياة الصحية يزيد بين قاعدة عريضة من الناس، يمكن لأن المناخ العام بقى يساعدك أكثر عن زمان: مطاعم كثيرة بـ تقدم أكلات صحية متنوعة ومناسبة لكل الأذواق، ده غير أن كمية الفعاليات اللي بـ تشجعك على ممارسة الرياضة بشكل مختلف وممتع خارج محيط جدران صالة الجيم المملة بقيت كثيرة وفي كل مكان. تحدي إل فيت للياقة البدنية – EL FIT Fitness Challenge هو واحد من أشهر الأحداث الرياضية، واللي بـ ترعاها Reebok، واللي هـ يقام للموسم الثاني.

أي شخص مهووس بلياقته البدنية هـ يبقى منتظر الحدث بفارغ الصبر، لأن التحدي مش بس مهتم بزيادة الوعي الصحي، أو حتى إشعال الحماس وروح التنافس الشريف بين محبي الرياضة في كايرو، ده مهتم بأنه يمزج الكلام ده كله ويقدمه لهم بصورة مسلية وممتعة.

المرة دي التحدي له نظام تأهل مختلف، زاد عن الموسم الأول بفئتين، وبكده يبقى فيه ست فئات للتنافس: رجال مفتوحة (16- 34 سنة)، سيدات (فوق سن 16) الأساتذة رجال رقم 1 (35- 45 سنة)، ورقم 2 (فوق سن 45) ده غير فريقي الرجال والمختلط.

التحدي بـ يشمل كل الألعاب من رفع الأثقال، سباق حمل الكرات الطبية والتحدي الأقوى “10 Motion” وهو مش لأصحاب القلوب الضعيفة.

بعد دورة التأهل في أكتوبر القادم، المشاركين هـ يتم تصفيتهم لعدد أقل، واللي هـ يكون هو نفس عدد المشاركين في النهائيات في شهر نوفمبر واللي هـ تمتد لمدة يومين من المنافسات الممتعة مش بس للمتسابقين ده للحضور كمان.

متوقعين أن أكثر من ألف متسابق يتقدم للمسابقة، وأكثر من 4000 مشاهد يشهد الحدث ده، وده أكبر دليل على أن الحدث مهم والجميع في انتظاره بفارغ الصبر.

عقبال ما نجيب لك المفيد عن الحدث، تابع صفحتهم على الفيسبوك، ولو شايف نفسك قد التحدي… قدم.

مقترح