The Definitive Guide to Living in the Capital , Cairo , Egypt

إحنا فعلًا في جو صعب! كل حاجة فينا اليومين دول باردة، أقدام باردة، أنف بارد، وأيد باردة، إزاي ممكن نقضي على البرد ده ونخلي جسمنا دافئ وبالتالي نحافظ على صحتنا؟ في الموضوع ده هنقدم لكم 10 نصائح هتساعدكم تحافظوا على جسمكم دافئ جدًا في شتاء 2023.

 

رياضة المشي

الهواء النقي قادر يصنع المعجزات! ومنظمة الصحة العالمية بتوصي برياضة المشي لمدة 20 دقيقة يوميًا. وحسب المنظمة فالرياضة دي ممكن تساعد على إبقاء صحتك أفضل خلال فصل الشتاء.

 

التقليل من التوتر

كلنا عارفين التأثير السلبي للتوتر على الصحة والجسد، وبيقول موقعالألماني  Bellevue إننا نقدر نقلل من الإحساس بالتوتر من خلال قضاء الوقت مع الأصحاب والأحباء، أو ممارسة بعض التمارين.

 

مبدأ البصل

فيه نصيحة عظيمة بيرددها سكان المناطق الباردة، وهي إن أفضل طريقة للحفاظ على دفء الجسم، هي ارتداء طبقات كتيرة زي البصل. زود الطبقات، وخليك زي البصلة، دافئ وسعيد. وماتنساش إن مبدأ البصل بيوفر كمان ميزة التكيف بشكل أفضل مع درجات الحرارة المختلفة على مدار اليوم.

 

اختيار ملابس من مواد طبيعية

لما تقرر تشتري ملابس شتوية، لازم تهتم بجودة المنتجات، لأنه مش كل المواد دافئة بشكل متساوي. وبيوصى بشكل خاص بالمواد الطبيعية زي الصوف أو الزغب أو جلد الغنم، لأنها مش بتحمينا بس من درجات الحرارة الباردة في الشتاء، لكنها كمان بتكون جيدة التهوية. وبالطريقة دي، فأنت بتضمن انتقال الرطوبة، وليس حرارة الجسم، للخارج.

 

شرب الزنجبيل

لو كنت من الناس اللي بتتجمد بسرعة في الشتاء، ممكن التوابل النارية تديك الحرارة مرة تانية. الزنجبيل مناسب بشكل خاص.

ولو اتعرضت لنوبة برد، اصنع لنفسك كوب من ماء الزنجبيل الساخن. فالزيوت الأساسية والمواد اللاذعة في الزنجبيل بتضمن الدفء من الداخل. بالإضافة إلى الزنجبيل، فإن التوابل التانية زي الفلفل الحار والقرفة بتبعث على الدفء من الداخل كمان.

 

اهتم بالفيتامينات

الحصول على حصتك من الفيتامينات اليومية، قادر يحافظ على صحتك خلال الفصل البارد ده، وبينصح موقع Bellevue بأكل خمس حصص من الفاكهة والخضروات يوميًا. ولو لقيت صعوبة في دمجها في وجباتك، فكل اللي عليك هو إضافة الفيتامينات إليها، على سبيل المثال مع برتقالة على الإفطار أو تفاحة بعد الغداء.

 

ارتداء آيس كاب

 

لو كنت بتتجمد بسهولة، لازم تتأكد دائمًا من وجود آيس كاب من الصوف الطبيعي معاك في الشتاء. وده لأن فيه كتير من النهايات العصبية على الوجه وفروة الرأس، بحيث يمكنك الشعور بالبرد بشكل واضح؛ علشان كده غطاء الرأس الدافئ مفيد للغاية.

 

تناول الطعام الساخن

تناول طبق من الشوربة الدافئة، يقدر يحافظ على حرارة جسمك، وفي نفس الوقت لازم تتجنب الأطعمة اللي بتبرد الجسم زي اللبن والسلطات الورقية.

 

حمام دافيء

الحمام الدافئ الكامل مش بيساعد في مقاومة البرد في الشتاء وبس، لكنه بيوفر كمان الاسترخاء، ولو أضفت لحمامك بعض زيت الورد أو الزعتر. هتحس بدفء حقيقي وراحة نفسية.

 

 التدليك

بالنسبة للناس اللي بتتجمد بسهولة في الشتاء، التدليك بالزيوت الدافئة مفيد بشكل خاص؛ لأنه بيحفز الدورة الدموية في الجلد وبالتالي بيوفر الدفء.