The Definitive Guide to Living in the Capital , Cairo , Egypt

الصيف أيامه صعبة والحر شديد وإحنا بننصحكم لازم تشربوا مياه كتير جدًا لأنها مهمة وممكن تحطوا فيها نعناع أو ليمون وغيرها لتحسين الطعم، لكن الصيف بيحب كمان كل حاجة ترطب على الجسم، ومن أهم المرطبات للجسم هي الحلويات، لأنها بتساعد على تقليل درجة حرارة الجسم وبتزود الأدريالين وبتنعشنا دايمًا. خلونا نقدمل لكم 5 حلويات مهمة في الصيف هتحارب الحر بجد.

الجيلي

من الحلويات المحبوبة جدًا عند كتير من الناس، وبتتاكل ساقعة وبترطب على الجسم، وله نكهات كتيرة وهو بيمد الجسم بالكولاجين وبيعالج تقرحات المعدة ومهم في الدايت ومتبعي الحميات الغذائية ونظام الكيتو وغني بالبروتين وبينقص الوزن وبيحسن عمل المعدة على الهضم، ومهم للعظام والمفاصل والبشرة.

موس الشيكولاتة والقهوة

من الحلويات اللي بتزود هرمون السعادة، وبننصح بالشيكولاته الغامقة والقهوة الجيدة، علشان ترطبوا على الجسم والقلب مع بعض، لأن الشيكولاته الغامقة بتظبط ضغط الدم وتقلل الإصابة بأمراض الأوعية الدموية والقلب، وكمان بتحمي الجلد وتحافظ على المخ.

أما القهوة فبتمنع الإصابة بمرض سرطان القلب والسكري والتصلب المتهدد وفشل القلب، ده غير إنها غنية بمضادات الأكسدة وقليلة السعرات الحرارية.

التشيز كيك

رغم أن كترها بيسبب السمنة ولكن بالتأكيد التشيز كيك لها فوائد غير الترطيب على الجسم، لأنها بتحتوي على عناصر مهمة زي البيض مصدر البروتين والكريمة اللي بتكافح النحافة، ده غير الفواكه المختلفة اللي بتحسن القلب وبتقلل خطر الإصابة بأمراض القلب وبتقوي الدورة الدموية.

الأرز باللبن

من فرط جماله هتدوبوا فيه وخاصة لو عاملينه في البيت، الأرز باللبن هيرطب عليكم بشكل قوي، ولو عندكم صعوبة في الهضم هيكون مناسب لكم، وهو غني بالمعادن والفيتامينات وخاصة لو اتضاف عليه المكسرات والقرفة هيكون مضاد للأكسدة، وهو مناسب لمرضى القلب وبننصح أن الحليب يكون خالي الدسم لتقليل الدهون.

كيكة الفواكه

المتعة بتوصل لأعلى مستوياتها لما ناكل الكيك بالفاكهة، خاصة أن الحلو ده هيرطب على جسمكم في عز الحر، والسعرات الحرارية هتكون قليلة طالما السكر الأبيض قليل، وقيمته الغذائية عالية، وتقدروا تاكلوها مع شاي أو قهوة أو عصير وغيرهم، ده غير انها تحتوي على الدهون المشبعة والكبروهيدرات والبروتينات المهمة للجسم، ده غير أن الدراسات أثبتت أن رائحة الكيكة مفيدة للجهاز الهضمي، وبتزود إفراز عصارة الهضم، وبتزود نشاط الإثنى عشر والمعدة.

استمتعوا بحلويات الصيف اللي هترطب عليكم وماتخلوش حاجة توقفكم عن الاستمتاع بحياتكم حتى لو درجة الحرارة فوق الأربعين 🙂