The Definitive Guide to Living in the Capital , Cairo , Egypt

في الصيف بنحب نمشي بحرية، وبنبعد عن الأحذية المقفولة وبنفضل نلبس “شبشب” مريح، صيفي، وخفيف.. لكن للأسف فيه بحث علمي حديث أكد إن المشي بالشباشب له أضرار حقيقية على صحتنا.

وبحسب جريدة “ذا صن” البريطانية، المشي بالشباشب الصيفية بيشكل ضغط على أصابع القدمين، وبيسبب متاعب صحية الشفاء من بعضها بيحتاج فترة زمنية طويلة ممكن توصل لشهور كتير.

وبحسب الباحثة في مركز “فوريست بابتست” الطبي في نورث كارولينا، كاميلا لوت، فإن المشي بالشباشب بيسبب متاعب منها آلام الظهر والتهاب الوتر وأمراض أكتر.

كمان المشي بالشباشب بيسبب مرض اسمه “التهاب اللفافة الأخمصية”، وده التهاب في الرباط اللي بيحمي أخمص القدم، وبيتطلب الشفاء منه حوالي سنة.

كمان لبس الشباشب فترة طويلة بيخلي القدمان معرضة بشكل كبير للإصابة بالبثور، وعلشان كده بينصح الخبراء بوضع كريم وقاية فوق القدمين، مع تفادي المشي بـ”الشبشب” لمسافة طويلة.

أما في حالة القيادة، فيجب على السائق تفادي ارتداء الشباشب الصيفية. يعني لو سوقت عربيتك وأنت قالعها، يعني حافي، ده أفضل بكتير لصحتك.