The Definitive Guide to Living in the Capital , Cairo , Egypt

الصورة: Rauf Alvi

رمضان كريم يا مصريين! وفي شهر الخير لازم نبقى عارفين إن صيامنا حاجة عظيمة، وممكن يكون علاج لمشاكل صحية كتير، لكن علشان نحصل على كل فوائد الصيام، لازم الصائم يلتزم بشوية نصائح علشان مايتحولش صيامه لمسبب للاضطرابات الهضمية والمشكلات الصحية.

مهم نعرف إن تناول كميات كبيرة من الطعام على وجبة الإفطار بعد ساعات الصيام الطويلة، أو إننا نكتر من المشروبات اللي فيها محتوى عالي من السكريات، كل ده بيؤدي لسوء الهضم اللي بيرافقه عدد من المشكلات المزعجة.

في الموضوع ده، هنعرفكم على أهم الفوائد الصحية اللي ممكن يحققها الصيام، بالإضافة لنصائح مهمة لصيام صحي.

 

أهم فوائد الصيام

بيساعد الصيام على زيادة حرق الدهون لإنتاج الطاقة اللازمة للجسم، كمان بيحفز الصيام خسارة الوزن، لإنه بيشتغل على منع تخزين الدهون في الجسم، وحرق الدهون المخزنة.

وبيعزز الصيام إزالة السموم، خاصة المواد الحافظة والإضافات الغذائية اللي بتتحول لسموم داخل الجسم وبيتم تخزينها داخل خلايا الجسم.

وبيقوي الصيام كمان الجهاز المناعي، عن طريق زيادة عدد كريات الدم البيضاء والحمراء وعدد الصفيحات الدموية، وإزالة سموم الجسم، وخفض الدهون، وتعزيز المحتوى الغذائي للجسم من الفيتامينات والمعادن عن طريق الخضراوات والفواكه اللي بيكتر تناولها في رمضان، وتحفيز تجدد الخلايا بعد التخلص من الخلايا الضعيفة، وكل ده بيساعد على تقوية جهاز المناعة.

كمان بيساعد الصيام في التغلب على مشكلات الإدمان على النيكوتين والكافيين وغيرهم، لإنه بيجبر الصائم على إيقاف التدخين أو شرب القهوة طوال النهار، وده بيساعد على زيادة إرادته في التخلص منها.

 

أهم النصائح علشان وجبة الإفطار تبقى صحية

بتعتبر وجبة الإفطار في رمضان الوجبة الرئيسة اللي بيتناولها الصائم، وعلشان تكون الوجبة دي صحية بننصحكم بالالتزام بالقواعد التالية:

1 – تجنب الأغذية اللي بتتحوي على نسبة عالية من الأملاح والبهارات والتوابل، وتناول الخضار والفواكه المنعشة.

2 – عدم الإفراط في تناول المقبلات لتجنب نقص السوائل وسوء الهضم .

3 – الاعتدال في كمية الطعام المتناوَلة علشان نتجنب التخمة وسوء الهضم، وتناوله ببطء، والمضغ بشكل جيد، للوصول للشعور بالشبع قبل تناول كميات كبيرة.

4 – حاول تبعد عن الأطعمة الجاهزة.

5 – تجنب الإكثار من المشروبات اللي فيها محتوى عالي من السكريات، واستبدالها بعصير الفواكه الطبيعي.

6 – ممارسة رياضة المشي يوميًا بعد تناول الإفطار بساعتين، أو أداء صلاة التراويح.

7 – شرب كمية وافرة من الماء (8 أكواب على الأقل) في الفترة بين الإفطار والسحور.

 

دليلك لتناول وجبة الإفطار بترتيب صحي:

1 – ابدأ ببعض حبات التمر، خاصة للأشخاص اللي بيعانوا من الصداع والتعب والدوخة في الصيام، لإنها بتمنح الطاقة السريعة للجسم بسبب احتوائها على السكريات البسيطة، وكذلك تحتوي على الألياف الغذائية اللي بتساهم في الشعور بالشبع، ومحاربة الإمساك، وبتمنح الفيتامينات والعناصر المعدنية اللي بيحتاج ليها الصائم.

2 – بعدها ممكن تتناول كوب من الماء أو اللبن لتعويض نقص السوائل والمساهمة في استعادة النشاط والطاقة.

3 – تناول الشوربات الدافئة الغنية بالألياف، لإنها بتعوّض السوائل، وبتلين المعدة، وبتحضر الجهاز الهضمي لاستقبال الوجبة الرئيسة.

4 – بعدها تناول السلطة، فطبق السلطة بيحوي نصف العناصر الغذائية اللي بيحتاج إليها الجسم، ومابيسببش التخمة، وبيساعد على الشبع بطريقة صحية.

5 – بعدها تقدر تاكل الطبق الرئيسي، اللي لازم يحتوي على نوع من النشويات كالأرز أو المكرونة أو البطاطس، وكمان لازم يحتوي على نوع من اللحوم كاللحم الأحمر أو لحم الدجاج أو السمك، أو على الحبوب والبقوليات واللبن والحليب المنخفض الدسم.

 

كل سنة وأنتم طبيبن يا أهل القاهرة.. رمضان كريم!