The Definitive Guide to Living in the Capital , Cairo , Egypt

الطب النفسي دلوقتي مهم جدًا في حياتنا وده لأنه علاج مهم للفكر والسلوك والاضطرابات، وبما أن الأمراض النفسية بقت منتشرة كتير الفترة دي، فإحنا بنحتاج من فترة للتانية نزور طبيب سواء في العيادة أو أونلاين من خلال التطبيقات الكتير اللي بقت موجودة في حياتنا وبتهتم بالطب النفسي بكافة تخصصاته.

وعلشان أهمية العلاج النفسي هنعرفكم في كايرو 360 على 3 من أفضل الدكاترة النفسيين في القاهرة.

 

طلال سيد: في البداية حابين نوضح إن الطبيب ده كان مساند لنا في وقت انتشار فيروس كورونا بنصائح نفسية كتير، وكان دايمًا موجود بآراء مهمة لخدمة المرضى، وهو حاليًا بيعمل جلسات أونلاين ضمن أبليكيشن O7.

طلال سيد هو طبيب أمراض نفسية، خبرة 30 سنة، وبيعمل حاليًا استشاري أول الطب النفسي بمستشفيات دولة الكويت، وحاصل على ماجستير الأمراض النفسية والعصبية عام 1997 من كلية الطب، جامعة أسيوط، ورسالة الماجستير بتاعته حصلت على أفضل ماجستير من الجمعية المصرية للأمراض العصبية والنفسية وجراحة المخ والأعصاب، وعمل كطبيب مقيم في قسم الأمراض النفسية والعصبية بجامعة أسيوط لمدة 5 سنوات.

تخصص الدكتور طلال سيد في مجال الطب النفسي للبالغين وخاصة اضطرابات المزاج (ثنائي القطب والاكتئاب) واضطرابات القلق واضطرابات الذهان، وعنده خبرة كبيرة في العلاج النفسي الجمعي وخبرة في الطب النفسي الجنائي.

تقدروا تعرفوا أكتر عنه أو الحجز لاستشارة طبية من خلال اللينك من هنا.

أوسم وصفي: من أفضل الأطباء النفسيين في القاهرة، بدأ شغله في المجال النفسي من سنة 1992 وبدأ تخصصه في علاج تخصصات نادر الكلام عنها في مصر زي المثلية الجنسية، وهو استشاري طب نفسي ومحاضر في برامج المشورة في كتير من الدول.

حصل وصفي على درجة الماجستير في الطبب النفسي عام 1997 من جامعة القاهرة، وله كتير من المؤلفات وأهمها “شفاء الحب”.

تقدروا تزوروا الدكتور أوسم في 2 شارع محمد المهدي – من نبيل الوقاد – أرض الجولف – أو التواصل تليفونيًا من خلال رقم 01004170545.

 

محمد طه: اسم مشهور في القاهرة! له كتير من المؤلفات في مجال الطب النفسي والتنمية اللي هتخليكم تقدروا تكتشفوا حياتكم والجوانب الخفية منها، وأشهرها “ذكر شرقي منقرض”، وهو أستاذ مساعد واستشاري الطب النفسي بجامعة المنيا، وشغل منصب نائب رئيس الجمعية المصرية للعلاج النفسي الجمعي حتى عام 2016، وزميل دولي للكلية الملكية البريطانية للأطباء النفسيين، و عضو الجمعية الأمريكية للعلاج النفسي الجمعي، وعضو الجمعية العالمية للعلاج النفسي الجمعي.

تقدروا تتعرفوا أكتر عن الدكتور طه من خلال موقعه الإلكتروني من هنا.