The Definitive Guide to Living in the Capital , Cairo , Egypt

سرطان الثدي من الأمراض الخطيرة، اللي بتحتاج رعاية طبية بمجرد اكتشافها، علشان يتم القضاء عليها. وفي السطور اللي جاية هنقولكم على كل حاجة بخصوص المرض ده.

الأسباب

المرض ده مالوش سبب محدد. ممكن يبقى عامل وراثي – فيروس – نوعية أكل – التعرض لإشعاع – تناول أدوية معينة – هرمونات محفزة – التقدم في السن والحمل بعد الـ 30 – بدء الدورة الشهرية قبل سن 12 واستمرارها لبعد الـ 50 – السمنة.

الأعراض

الأطباء بينصحوا إنك لازم تكوني على علم تام بشكل وحجم الثدي. اعملي فحص شهري، بعد انتهاء الدورة بأيام. لو لقيتي تغيرات زي: ظهور كتلة في الثدي (عادة غير مؤلمة) – إفرازات من الحلمة سواء كانت مخلوطة بدم أو صفراء – تغير لون الحلمة والجلد وظهور تشققات أو انكماش – تورم الغدد الليمفاوية تحت الإبط – ألم موضعي بالثدي. روحي للطبيب فورًا أو أحد مراكز الكشف المجاني.

أماكن الكشف المجاني

هيئة التأمين الصحي أعلنت عن توفير 3 أماكن داخل القاهرة، علشان الكشف المبكر للسيدات أكبر من 45 سنة:

عيادة في 33 شارع سور مجرى العيون، السيدة زينب – مدينة نصر في شارع الطيران، جنب عيادة التأمين الصحي – مستشفى صيدناوي للتأمين الصحي، 24 شارع الجمهورية، رمسيس.

كمان فيه مستشفى بهية، 4 شارع علوبة، الهرم. ودي مؤسسة غير هادفة للربح، بتكشف على السيدات من سن 40 سنة مجانًا، و35 سنة لو فيه وراثة بالعائلة.

أهم النصائح:

– تقليل الدهون.

– أكل ألياف كتير زي الخيار، الخضرة والفواكه.

– الفحص الدوري واستشارات الطبيب.

– المشي لمدة ساعة أو 2 اسبوعيًا بانتظام. بيقلل الإصابة بنسبة 20%.