The Definitive Guide to Living in the Capital , Cairo , Egypt

رسميًا.. مصر تبدأ “حملة التطعيم” ضد فيروس كورونا
بواسطة
Mohamed Talaat

النهارده، الأحد 24 يناير 2020، هتبدأ مصر بشكل رسمي في توزيع لقاح فيروس “كورونا” المستجد (كوفيد 19) على الأطقم الطبية في مستشفيات العزل.

وبحسب بيان لوزارة الصحة والسكان المصرية، أول المستشفيات اللي هتتلقى اللقاح هي مستشفى “أبو خليفة” للعزل بمحافظة الإسماعيلية.

ويوم 11 يناير الجاري، أعلنت وزيرة الصحة المصرية هالة زايد، بعض ملامح خطة توزيع اللقاحات المضادة لفيروس “كورونا” المستجد في أنحاء مصر، واتكلمت بالتحديد عن 3 لقاحات، هي “أسترازينيكا” و”سينوفارم” و”فايزر بيونتك”، وقالت وقتها إنها هتتُوزع في نهاية يناير الجاري.

كمان في 14 يناير، أكد مستشار الرئيس المصري لشؤون الصحة، الدكتور محمد تاج الدين، في تصريحات تلفزيونية، إن مصر متأخرتش في بدء حملة التطعيم بـلقاح “كورونا”، وأن كتير من دول العالم مابدأتش الحملات بشكل رسمي، ووضح أن السبب في كدة هو قلة الكميات المتاحة من اللقاحات عالميًا، وأكد إنه لما يوصل العدد الكافي من اللقاحات للبلاد، هتبدأ حملات التطعيم بشكل رسمي.

وعلشان تعرفوا طريقة الحصول على اللقاح والأماكن اللي هتوفره في كل مصر بمجرد إتاحته لكل المصريين تقدروا تضغطوا هنا.

 

مقترح