The Definitive Guide to Living in the Capital , Cairo , Egypt

دايمًا في مواويلنا وحكايتنا بنلاقي للعين مكان مهم، ففي الطرب مثلًا بنقول “يا عين يا ليل”. ولو حصل موقف صعب قدامنا أو اتحكى لنا بنقول “ياعيني”. العين حاضرة كمان في أمثالنا فبنقول “العين عليها حارس”.

وعلشان العين مهمة، مش بس كعضو مسؤول عن الرؤية أو النظر، لأ ده كمان هي بوابة الدخول للي قدامك، ومفتاحه، وكل ما كانت المنطقة المحيطة بالعين صحية أكتر، كل ما كان شكلنا أجمل. علشان كده “لوريال” عملت سيروم جديد لمنطقة العين، هيساعدك دايمًا على الاحتفاظ بنضارة وحيوية المنطقة دي.

سيروم منطقة العين من لوريال بيحتوي على حمض الهيالورون المسؤوول عن نضارة وترطيب البشرة، واللي بيستخدم كثير جدًا وبأشكال مختلفة في التجميل وإرشادات الصحة الجلدية من الخبراء والمتخصصين.

وعلى سيرة المتخصصين، فريق “كايرو 360” اتكلم مع أستاذ مساعد الأمراض الجلدية في كلية طب جامعة القاهرة، الدكتورة “نيرمين بدير” عن أهمية حمض الهيالورون لمنطقة العين، ودردشنا معاها عن الفوائد اللي بيقدمها سيروم لوريال الجديد.

 

دور حمض الهيالورون في منتجات العناية بالعين:

حمض الهيالورون هو حمض طبيعي موجود في أجسامنا، وتم اكتشافه من أكثر من 100 سنة.. والعلماء بعد اكتشافه ودراسته قالوا إنه له فائدتين أساسيتين، الأولى إنه بيحافظ على 10 أضعاف وزنه من الماء، وبالتالي بيرطب البشرة وبيخليها مرنة لمدة طويلة.. الفائدة الثانية إنه بيساعد بشكل فعال على التئام الجروح بعد الإصابات والعمليات.

من الفوائد الطبية العلاجية كمان لحمض “الهيالورون” إنه بيعتبر علاج ف

عال لـ “الإكزيما الدهنية”.. لكن تفضل المشكلة العلمية اللي وقفت في طريق استخدام حمض “الهيالورون” بصورته الطبيعية حجم جزيئاته الكبير واللي بتخلي من الصعب على الجلد امتصاصه، وهنا جاء دور “لوريال”.

رأي الخبراء في استخدام حمض الهيالورون كسيرم للحفاظ على نضارة المنطقة المحيطة بالعين:

بحسب التجربة الفعلية للدكتورة “نيرمين” فالسيروم فعال جدًا في المحافظة على نضارة العين، ده غير إن مفعوله بيبان في فترة من أسبوعين لشهر.

دكتورة نيرمين قالت لنا كمان إن من المواد الموجودة والمهمة في السيرم جنب حمض الهيالورون هو مادة “الكافيين” وده من استخدامتها الجلدية المهمة جدًا ملئ الخطوط والتجاعيد، وخلق سماكة بسيط في طبقة الجلد المحيطة بالعين باعتبارها أرق طبقة جلد موجودة في جسمنا.

غير كده كمان، السيروم بيحتوي على حبيبات معدنية صغيرة، مع التبريد بتعمل مساج لطيف للمنطقة حوالين العين، وبالتالي بتقلل الانتفاخات بشكل ملحوظ.

تعالي نقولك إمتى وازاي تستخدمي سيروم لوريال للمنطقة المحيطة بالعين:

الطريقة الأمثل والأفضل لاستخدام السيروم بحسب كلامنا مع الدكتورة “نيرمين” هي المداومة على استخدامه يوميًا (مرتين في اليوم على الأقل وبدون حد أقصى) لمدة لا تقل عن أسبوعين لشهر، وساعتها هتبدأ النتيجة تبان، لكن ده مش معناه إنك توقفي استخدامه، لإن كل ما بتواظبي على استخدامه، كل ما بتحفظي على منطقة العين والجلد المحيط بيها.

السيروم كمان من مميزاته إنه مش بيتأثر بالشمس مطلقًا، وبالتالي ممكن تحطيه قبل الصن بلوك وتستني دقيقتين لحد ما الجلد يشربه وبعدين تحطيه، ونفس الحكاية مع الميك أب، وده لإنه مش بيسد المسام نهائيًا.

ممكن كمان البنات من سن 24 سنة تستخدمه، وممكن كمان تستخدميه للوقاية من الإجهاد والهالات السودة والانتفاخات حوالين منظقة العين.. وبالمناسبة هو آمن جدًا على كل أنواع البشرة.