The Definitive Guide to Living in the Capital , Cairo , Egypt

الصورة الرئيسية:  AHMED HASAN/AFP via Getty Images

الحكومة المصرية بتقوم بمجهود كبير في مكافحة انتشار فيروس “كورونا” المستجد، وقامت بخطوات كتير نقدر نقول عليها عظيمة، وآخرها أن وزارة الصحة والسكان أطلقت تطبيق جديد باسم “صحة مصر” وده يعتبر التطبيق المصري الرسمي المعتمد للتوعية والإرشاد والوقاية من الفيروس اللي انتشر في العالم كله. ومن خلال التطبيق هتعرفوا إزاي تتصرفوا لما تحسوا بأعراض “كورونا”.

وفي السطور اللي جاية هنقول لكم على كل المعلومات اللي محتاجين تعرفوها عن التطبيق.

أولًا التطبيق ومحتواه تابع لوزارة الصحة والسكان، وهي الجهة الوحيدة اللي تقدروا تثقوا فيها، ومعلوماتهم وبياناتهم معتمدين من منظة الصحة العالمية، وبتتحدث طول الوقت، والتطبيق بيوفر لكم إمكانية التواصل مع فريق طبي متخصص لمتاعبة الأعراض في حالة وجود اشتباه بالإصابة، وبيوجهكم إزاي تتصرفوا طبقًا لحالتكم الصحية.

التطبيق بيحتوي على 7 أقسام..

1- البلاغ

وده تقدروا من خلاله تبلغوا عن حالتكم أوحالة شخص قريب منكم، مع تسجيل بعض المعلومات والأعراض اللي بتطلب منكم، علشان يقدروا يعرفوا احتمالية الإصابة، وبناءًا على الإجابات بتاعتكم هتعرفوا من خلالهم إزاي تتصرفوا وأفضل إجراء ممكن تاخدوه.

2- الإشعارات

لما تقربوا من موقع فيه إصابات ومسجل لدى وزارة الصحة، هيجيلكم إشعار يقولكم تاخدوا بالكم واحذروا علشان أنتم في منطقة فيها إصابات، وده عن طريق السماح للتطبيق أنه يتبع موقعك.

3- مقالات

في التطبيق هتلاقوا مقالات كتير متخصصة في كل حاجة تخص أساليب الوقاية أو الأخطاء اللي ممكن تنقل لكم العدوى، وكمان فيها نصائح لتقوية المناعة، وإزاي تتعاملوا مع المواقف اليومية لتجنب الإصابة بفيروس “كورونا”، ده غير المعلومات عن الفيروس وطرق مواجهته.

4- الأسئلة الشائعة

فيه في التطبيق قسم متخصص بكل الردود عن كل الأسئلة اللي ممكن تخطر في بالكم، حوالين الفيروس والوقاية والتعامل مع الحالات المصابة أو المشتبه في إصابتها، بطريقة سؤال وجواب.

5- تحدث معنا

وده قسم تقدروا من خلاله تتواصلوا مع متخصصين من وزارة الصحة، عن طريق الواتس آب بيزنس، اللي التطبيق بيحولك ليه مباشرة.

6- أرقام تهمك

وده هتلاقوا فيه كل الأرقام والروابط اللي تقدروا تتواصلوا من خلالها مع الوزارة.

7- التنبيهات الصوتية

 أخيرًا هتلاقوا في القسم ده أصوات ممثلين مصريين بينبهوكم ويفكروكم بإرشادات الوقاية والحماية من فيروس “كورونا”.

التطبيق متاح حاليًا لمستخدمي أجهزة أندرويد، واللي يتقدروا يحملوه من هنا، وقريب هيكون متاح لباقي الأنظمة.