عاوز تبطل تدخين؟ عليك وعلى مستشفى العباسية
الأمانة العامة للصحة النفسية وعلاج الإدمان التدخين السجاير الشيشة الصحة الفيب عيادة الإقلاع عن التدخين مستشفى الصحة النفسية في العباسية مستشفى العباسية وزارة الصحة
Omar Abd-elmaqsoud
للأسف كتير مننا بيعاني بشكل شخصي أو حتى حد من المقربين منه بيعاني من مشكلة بتدمر صحتنا وفلوسنا، مشكلة “التدخين” والأكيد إن أكيد في محاولات كتير للتبطيل، لكن كلامنا النهارده للناس اللي حاولت وفشلت، علشان نقولهم لسه في فرصة تانية.
الأمانة العامة للصحة النفسية وعلاج الإدمان في وزارة الصحة أعلنت النهارده عن افتتاح عيادات “الإقلاع عن التدخين” واللي هتكون في الفترة الجاية في أغلب المستشفيات الحكومية، وحاليًا متاحة في مستشفى العباسية.
العيادات دي هتقدم خدماتها للمواطنين عن طريق مساعدتهم لاكتشاف طريقة مناسبة على حسب كل شخص للإقلاع تدريجياً عن السجاير والشيشة، والسجاير الإلكترونية “فيب” واللي قالت عنها وزارة الصحة إن ليها نفس الضرر والتأثير السلبي على الصحة الموجود في الشيشة والسجاير.
العيادة موجودة بشكل مبدئي في مستشفى الصحة النفسية في العباسية، وبتفتح أبوابها كل يوم أحد من كل أسبوع، وعلى وعد من الوزارة إن لما الإقبال يزيد، هتزيد عدد أيام العمل في العيادة.
ممكن تسأل عن “عيادة الإقلاع عن التدخين” في العيادات الخارجية في مستشفى العباسية في شارع صلاح سالم من الساعة 10 الصبح لـ 12 الظهر.
التليفون: 022616255
