“غير الحمى والسعال وفقدان حاسة الشم والتذوق”.. 7 أعراض بتقول إنك ممكن تكون مصاب بـ “كورونا”
أعراض جديدة لكورونا أعراض كورونا سلالات كورونا علاج كورونا فيروس كورونا المستجد
Mohamed Talaat
حالات الإصابة بفيروس “كورونا” المستجد (كوفيد 19) بتزيد حوالينا، وعلشان كدة الاهتمام بأي أعراض صحية بنمر بيها حاليًا والعزل الفوري أمور مهمة لحمايتنا وللسيطرة على انتشار الفيروس في نفس الوقت. لكن وسط حالة الخوف فيه أمر إيجابي، وهو إن الأطباء المصريين أصبح عندهم خبرة كبيرة في التعامل مع المرض.
وبحسب أطباء متخصصين، أعراض “كورونا” حاليًا تخطت الأشكال اللي اتعودنا نقرأها الفترة اللي فاتت وهي “الحمى والسعال المستمر وفقدان حاسة الشم أو التذوق”.
ورغم إن الأعراض اللي فاتت دي مؤشر مهم على الإصابة بالفيروس، لكن لازم نعرف كمان إن فيه 7 أعراض تانية من المهم ننتبه لها الفترة دي، لإنها بتقول إنك “ممكن” تكون مصاب بـ “كورونا” لا قدر الله، ويفضل تروح لطبيب متخصص أو تبدأ عزل منزلي لو حسيت بيها، والأعراض دي هي:
– صداع الرأس.
– إعياء.
– فقدان الشهية.
– آلام في العضلات.
– إسهال.
– الارتباك (الهذيان).
– الطفح الجلدي.
مهم تكون عارف إن الأعراض اللي فاتت دي، ممكن تكون مؤشر على إصابتك بـ “كورونا”، والأفضل تهتم بيها وبلاش تخاطر بحياتك، ومهم تعزل نفسك أنت وأسرتك في أسرع وقت، ولو الأمور زادت لازم تقوم بإجراء اختبار في أقرب وقت ممكن.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
