The Definitive Guide to Living in the Capital , Cairo , Egypt

الفترة دي القاهرة وكتير من المحافظات المصرية بتمر بموجة حر شديدة، وبحسب هيئة الأرصاد المصرية يوم الأربعاء هيوصل ارتفاع درجات الحرارة لذروته، وهتصل درجات الحرارة العظمى بالقاهرة 41 درجة وجنوب البلاد 43 درجة، وطبعًا الأمر ده بيخلي الصيام أمر مرهق، خاصة بالنسبة للمرضى وكبار السن والأطفال.

في الموضوع ده هنعرفكم على أهم النصائح للتعامل مع الحر الشديد أثناء الصيام:

1- تجنب التعرض المباشر والطويل لأشعة الشمس، خاصة في فترة الظهر.

2- البس ملابس بألوان فاتحة عاكسة للحرارة، مصنوعة من الكتان أو القطن.

3- زود من شرب المياه والمشروبات الباردة بين الإفطار والسحور، وده بيساعد على تخفيض حرارة الجسم وتسهيل عملية التبريد، عن طريق إفراز العرق.

4- ابعد قدر الإمكان عن الأطعمة الدسمة أثناء موجات الحر، لإن عملية هضم الدهون بتؤدي لفقدان كميات كبيرة من المياه، وده بيسبب العطش الشديد.

5- بلاش ممارسة الرياضة خلال ساعات النهار، لأن ده بيؤدي لفقدان كميات كبيرة من السوائل والمعادن.

6- زود من عدد مرات الاستحمام لتعزيز الشعور بالانتعاش في الحر الشديد.

7- قلل من تناول السكريات قبل السحور، مع الإكثار من الفاكهة والخضروات.

8- مهم تهوية الأماكن المغلقة علشان يتجدد الأكسجين، وده بيزيد من حيوية ونشاط الصائم.

بنتمنى لكم كل الصحة!