The Definitive Guide to Living in the Capital , Cairo , Egypt

في لقاء مع الدكتور “جون جبور” ممثل منظمة الصحة العالمية في مصر اللي شوفناه في برنامج “على مسئوليتي” على قناة صدى البلد، كان معظم الكلام عن فيروس كورونا المستجد وطرق الوقاية.. لكن الجميل في كلام “جون” كان إشادته بالإجراءات المصرية في احتواء الوباء ومكافحة انتشاره، واللي كانت مطمئنة جدًا للمصريين، وعلشان لو ما كنتم ما شوفتوش اللقاء، هنقولكم على أهم 5 تصريحات مطمئنة قالها جون جبور:

1- مصر من أول الدول اللي طبقت نظام الترصد في الشرق الأوسط وتم تقييمه من خبراء منظمة الصحة العالمية بـ”جيد جدًا”.

2- معدلات الإصابة في مصر هتنخفض خلال أسبوعين، لكن بشرط الإلتزام بتعليمات الحكومة.

3- مصر من الدول القليلة اللي رصدت مبالغ ضخمة لمواجة الفيروس.. ورصدت حوالي 100 مليار جنيه.

4- الأرقام المعلنة للإصابات في مصر حقيقية ومصر من الدول القليلة اللي بتسلم جدول يومي للحالات، وإصابة 19000 ألف شخص مجرد إشاعة مش صحيحة.

5- مصر فيها 6 مستشفيات للعزل والعلاج بطاقة 1200 سرير، ونصفهم مجهز كعناية مركزة، والوضع حسب رؤيته مطمئن.

وعن مكافحة فيروس كورونا جون قال إن أهم طريقة مكافحة هي نظام “الترصد” لإنه نظام تقصي فعال وبيكشف الحالات ويعزلها ويعالجها، ومصر ماشية بخطى ثابتة فيه، ووجه رسالة للشعب المصري محتواها “إلزموا بيوتكم وبلاش تساهموا في انتشار الفيروس، ومترهقوش النظام الصحي، وطبقوا كل أساليب الوقاية وأهمها البعد الاجتماعي لحماية النفس والوطن”.