كل اللي محتاج تعرفه عن “العزل المنزلي” و”التباعد الاجتماعي”
التباعد الاجتماعي العزل المنزلي خليك في البيت دليل العزل المنزلي كورونا مدة العزل المنزلي
Omar Abd-elmaqsoud
مؤخرًا، وبعد انتشار فيروس “كورونا” المستجد، أصدرت حكومات حول العالم قرارات بإغلاق المقاهي والمطاعم والملاهي الليلية والمسارح ودور السينما والصالات الرياضية ومراكز الترفيه، والهدف هو وقف تفشي الفيروس في عالمنا.
والقرارات اللي فاتت دي، بتندرج ضمن إجراءات التباعد الاجتماعي، واللي معناه باختصار تجنب الاتصال غير الضروري مع الآخرين، كمان بيطلب المتخصصين من أي حد بيعاني من أعراض شبيهة بالإنفلونزا، زي السعال الجاف وارتفاع درجة الحرارة، عزل نفسه في البيت، بهدف تجنب نقل العدوى للآخرين.
وبتشدد السلطات على أهمية التزام الجميع بإجراءات التباعد الاجتماعي، خاصة اللي سنهم أكبر من سبعين سنة، والحوامل، وأصحاب الأمراض المزمنة زي السكري والقلب، علشان مناعتهم بتكون قليلة.
طب إيه هي أهمية التباعد الاجتماعي؟
بحسب تقرير نشره موقع سكاي نيوز عربية، أصبح التباعد الاجتماعي ضروري لأن الشخص لما يصاب بالسعال، ويكون عنده الفيروس فده هينشر رذاذ محمل بالفيروس في الهواء.
وبتحدث العدوى للآخرين بسبب استنشاقهم الرذاذ عن طريق التنفس، أو لمس سطح وقع عليه الرذاذ، وبعدها لمس العينين أو الأنف أو الفم.
وبيقول موقع شبكة “بي بي سي”، نقلًا عن خبراء ومتخصصين، إنه كل ما كان الوقت اللي بسيقضيه الناس مع بعضهم أقل، كل ما قلت فرص حدوث العدوى.
طب نعمل إيه علشان نطبق التباعد الاجتماعي؟
شوف يا سيدي، لتطبيق التباعد الاجتماعي لازم تشتغل من البيت، وتتجنب كل التنقلات والسفر غير الضروري، كمان لازم تبتعد عن الأماكن المزدحمة زي النوادي والمسارح وغيرها، وتتجنب الاجتماع بالأصدقاء قدر الإمكان.
إيه هو العزل المنزلي؟
المقصود بالعزل الذاتي هو البقاء في المنزل، وعدم مغادرته لأي سبب، وده معناه عدم الذهاب للعمل أو المدرسة أو أي مكان عام خلال الفترة دي، كمان لازم ماتسيبش بيتك حتى لشراء طعام أو أي مواد أساسية تانية.
ولو مافيش في منطقتك خدمة توصيل للبيوت واضطريت للخروج من البيت لشراء احتياجاتك، يبقى مهم تلتزم بعدم التواصل الاجتماعي.
وبتطبق إجراءات العزل الذاتي على كل شخص بتظهر عليه أعراض العدوى بفيروس كورونا زي ارتفاع الحرارة إلى 37.8 درجة أو أكثر، وسعال مستمر، وصعوبة في التنفس، أو أي شخص بيعيش في بيت فيه شخص عنده الأعراض دي.
مدة العزل المنزلي
لو كنت بتعيش وحدك فلازم تعزل نفسك في البيت لمدة سبع أيام، بداية من يوم ظهور الأعراض، ولو كنت بتعيش مع شخص مصاب بالأعراض فعلى جميع اللي عايشين في البيت عزل أنفسهم ذاتيًا لمدة 14 يوم، بداية من يوم ظهور الأعراض.
ولو ظهرت الأعراض على أي شخص جديد بيعيش في البيت خلال الـ14 يوم فده معناه إنه محتاج فترة عزل إضافية مدتها سبع أيام.
ولازم يكون المعزولين موجودين في غرفة جيدة التهوية بشبك ممكن فتحه، والابتعاد عن الآخرين في البيت، كمان مهم إن المعزولين مايتصلوش بالمستشفيات أو العيادات الطبية إلا لو كانوا حاسين بألم وأعراض شديدة.
إرشادات أثناء العزل المنزلي
على الشخص الأكثر عرضة للإصابة استخدام فوط منفصلة عن بقية أفراد البيت، ولو أمكن استخدام حمام منفصل، لكن لو ده مش متاح يبقى لازم تنظيف الحمام قبل وبعد استخدامه.
أما اللي عايشين مع شخص بيقوم بعزلة ذاتية، فعليهم غسل أيديهم باستمرار باستخدام الماء والصابون لـ20 ثانية على الأقل، خاصة قبل وبعد الاتصال بالشخص ده.
وبالنسبة للمخلفات الشخصية (زي المناديل الورقية) فلازم تتحط في كيس المخلفات فورًا، ويتحط الكيس ده في كيس تاني، ويترمي في صندوق القمامة الخارجي.
مقترح
معالم وسياحة
أبرزها "القاهرة التاريخية".. 7 مواقع مصرية على قوائم التراث العالمي
آثار مصرية اليوم العالمي للتراث +1
معالم وسياحة
