The Definitive Guide to Living in the Capital , Cairo , Egypt

مع بداية امتحانات الثانوية العامة، بيتعرض الطلاب لتوتر شديد، وده في الأوقات العادية، لكن التوتر والخوف أكتر السنة دي، بسبب الأزمة العالمية المتمثلة في انتشار فيروس “كورونا” المستجد، وعلشان كده هنقول لكم على 7 نصائح نفسية مهمة، بيقدمها لكم الدكتور طلال أحمد علي استشاري  الطب النفسي، قادرة إنها تساعد الطلاب على تقليل حدة التوتر والخوف من الامتحانات.

1- كل الطلاب لازم يهتموا بالتغذية السليمة والنوم الكويس.

2- الطلاب لازم يبقوا حريصين على استخدام وسائل الحماية الشخصية (الكمامة – واقي للوجه – كحول.. إلخ)، والالتزام بتعليمات وزارة الصحة بخصوص التباعد الاجتماعي.

3- عدم الخوف من النسيان، وهنا مهم نعرف إن الخوف ده بيكون “نسيان كاذب نتيجة قلق ما قبل الامتحان”، ولازم الطلبة تثق في قدراتها على استرجاع كل اللي ذاكروه.

4- الطلاب لازم يبعدوا عن مصادر الأخبار غير الرسمية والشائعات سواء أخبار الامتحانات أو الوضع الصحي، وخاصة المنتشرة على موقع فيسبوك، والتركيز على المذاكرة والاجتهاد فقط.

5- بمجرد انتهاء امتحان المادة، على الطلاب التركيز في المادة الجاية، علشان مايضيعوش وقت في استرجاع الامتحانات، وده هيسبب لهم زيادة الضغط النفسي.

6- على الطلاب أنهم يكونوا هاديين ومركزين في أيام وليالي المراجعة والامتحانات علشان يقدروا يحصدوا ثمرة جهدهم من المذاكرة طول السنة.

7- الدولة أخدت إجراءات حازمة وقوية علشان تحافظ على صحة الطلاب، وعلشان كده لازم الطلبة تعرف إنها في أمان.