The Definitive Guide to Living in the Capital , Cairo , Egypt

تم توليد الصورة الرئيسية من خلال Gemini Ai

مع صيف القاهرة اللي حرارته بتكسر الأرقام القياسية ورطوبته بتحاوطنا، أكيد بشرتنا بتستغيث من أشعة الشمس القوية اللي ممكن تسبب ضرر كبير لو مخدناش بالنا، لأن بشرتنا محتاجة عناية فائقة خاصة لو بنتعرض لأشعة الشمس المباشرة، علشان كده النهاردة هنرشحلكم 5 أنواع صن بلوك مهمتها أنها تحكميكم من الأشعة الضارة للشمس وكمان هنقولكم إزاي تختاروا الصن بلوك المناسب لكم.

البداية علشان تختاروا صن بلوك مناسب لكم لازم يكون درجة الحماية بتاعته (SPF) 30 أو أكثر، لأن ده درجة قياس الحماية من أشعة UVB اللي بتسبب حروق الشمس، وكمان يكون الصن بلوك واسع الطيف اللي بيشمل الحماية من أشعة UVA اللي بتسبب الشيخوخة والتجاعيد والبقع مع UVB، وبيكون مكتوب على العبوة Broad-Spectrum.

كمان لو بتعرقوا في الحر كتير أو هتنزلوا بحر ولا حمام سباحة لازم الصن بلوك يكون مقاوم للماء علشان تاخدوا ثبات أكتر على البشرة والعبوة المخصصة لده هتقوا مكتوب عليها Water Resistant وبيقعد لفترة من 40 حتى 80 دقيقة، وطبعًا كل ده بيتخلله الاختيار بناءً على نوع البشرة، اللي لو دهنية أو مختلطة يبقى لازم يكون صن بلوك Oil free علشان ميسدش المسام ويكون قوامه خفيف أو جل أو سائل.

أما البشرة الجافة فالأفضل اختيار صن بلوك مرطب وده بيكون قوامه كريمي، والبشرة الحساسة اختاروا صن بلوك فيه Zinc Oxide وTitanium Dioxide وده لأن المواد دي لطيفة على البشرة، وابعدوا تمامًا عن أي منتج فيه كحول أو عطور.

الصن بلوك أنواعه كتير وفيه منه الفيزيائي وده اللي بيحتوي على أكسيد الزنك وثاني أكسيد التيتانيوم ودول بيساعدوا على تكوين حاجز على سطح الجلد يعكس أشعة الشمس، وفيه الكيميائي وبيحتوى على الأوكسي بنزون والأفو بنزون والأوكتينوكسات، ودول بيمتصوا أشعة الشمس وبيحلوها لحرارة، يعني بيكنوا أخف في القوام ومبيسيبوش أثر أبيض.

ودلوقتي هنرشح لكم 5 أنواع صن بلوك بناءً على تقييم المستخدمين هم من الأفضل في السوق المصري، ومتنسوش تشتروا من الصيدليات الموثوقة والمحلات الكبيرة والمتاجر الرسمية علشان تضمنوا الأنواع الأصلية بعيدًا عن المغشوش والمقلد.

La Roche-Posay

صن بلوك كيميائي بيوفر حماية واسعة الطيف (UVA – UVB)، وخفيف على البشرة وبيمتص بسرعة ومش بيسيب أي لمعة دهنية ومقاوم للماء وممتاز في الحرارة العالية والعرق، ويتناسب مع البشرة الدهنية والمختلطة والحساسة لأنه خالي من العطور والبارابين.

تقدروا تعرفوا أكتر عنهم من خلال صفحة الفيسبوك من هنا.

Neutrogena

بيوفر حماية واسعة الطيف بتقنية Dry-Touch وهو منتج كيميائي خفيف ومش بيلزق ومقاوم للماء والتعرق لمدة 80 دقيقة، ومناسب لكل أنواع البشرة سواء دهنية أو مختلطة والعادية، ومش بيسد المسام الخصائص.

تقدروا تعرفوا أكتر عنهم من خلال صفحة فيسبوك من هنا.

Isdin

على الرغم من عدم وجود وكيل في مصر له إلى أنه يعد من أفضل أنواع الصن بلوك اللي قوامه خفيف جدًا والبشرة بتمتصه في ثواني بدون ترك أي أثر ومقاوم للماء وبيتميز أنه بيحتوى على حمض الهيالورونيك المرطب ومناسب لكل أنواع البشرة خاصة الدهنية، وهتلقوه بيتباع في أكبر المتاجر والمواقع المتخصصة في التجميل.

Vichy

من الأنواع الموجودة في السوق المصري وأثبتت جدارة وهو بيحمي من أشعة الشمس ومقاوم للملوثات وكمان خفيف وملمسه مطفي بدون لمعان وقوامه جل خفيف يتناسب مع الاجواء الحارة وهو منتج كيميائي ومناسب لكل أنواع البشرة وخاصة اللي بتميل للمعان

تقدروا تعرفوا أكتر عنهم من خلال صفحة الفيسبوك من هنا.

Bioderma

 قوامه مائي خفيف وبيقدم حماية عالية واسعة الطيف بدون أي أثر دهني ومقاوم للمياه وكمان مناسب للاستخدام تحت المكياح، وصالح لكل أنواع البشرة المختلفة.

تقدروا تعرفوا أكتر عنهم من خلال صفحة الفيسبوك من هنا.

أخيرًا عندنا كام نصيحة لازم تاخدوا بالكم منها وانتوا بتستخدموا الصن بلوك مهما كان نوعه وخصائصه:

لازم تحطوا كمية مناسبة تعادل صباعين لكامل الوجه والرقبة ويتكرر كل ساعتين أو بعد التعرق والسباحة مباشرة.

يفضل وضع الصن بلوك قبل الخروج للشمس بـ15 دقيقة.

اعملوا اختيار حساسية الأول قبل استخدام أي منتج جديد علشان تعرفوا لو مناسب لكم ولا لأ بوضع كمية صغيرة على الايد.

الصن بلوك عامل مساعد للحماية من الشمس ويفضل استخدام كاب ونظارة معاه للحماية القصوى.

لو مفيش ضرورة قصوى ابعدوا عن الشمس في الفترة من 12 ظهرًا حتى 4 عصرًا.