The Definitive Guide to Living in the Capital , Cairo , Egypt

الرياضة أكتر حاجة عظيمة وغير مكلفة ممكن الإنسان يفيد بيها جسمه ونفسه وحياته.. لكن هل فكرت قبل كدة تلعب رياضة وفي نفس الوقت تفيد البيئة من حواليك؟ في السطور الجاية هنعرفك على 3 حاجات مفيدة تقدر تعملها لو عاوز تحمي البيئة من حواليك وتخليها أجمل.

 

1 – مارس الرياضة بتكنيك Plogging

السويد قدمت للعالم فكرة جميلة، وهي الرياضة بطريقة “Plogging”، والمقصود بيها إنك وأنت بتجري أو تمشي بهدف الرياضة يكون معاك حقيبة تحط فيها أي قمامة تقابلك في طريقك، خاصة لو كانت القمامة دي غير قابلة للتحلل زي الأكياس البلاستيك مثلًا، وبعدها ترميها في المكان المخصص ليها.

2 – ازرع بذور وخلي القاهرة خضراء

ممكن تشيل في جيبك مجموعة بذور، ووأنت بتمارس رياضة المشي أو الجري ممكن تزرعها في أماكن مناسبة، وبكدة هتساهم في نشر النباتات في القاهرة وهتخليها جميلة وخضراء ومناسبة للحياة أكتر.

3 – سيب كتاب بيئي في مكان غير متوقع

وأنت بتمارس رياضتك المفضلة ممكن تخلي في شنطتك كتاب مفيد عن البيئة تكون قرأته ومابقتش محتاجه وتسيبه في مكان غير متوقع زي مثلًا محطات الأتوبيس أو الرصيف، الكتاب ده ممكن تكتب في أول صفحة منه إنه هدية منك لشخص ماتعرفهوش، وبكدة تنشر الوعي البيئي بين الناس.

 

اللي فات مجرد أفكار بسيطة لكنها مفيدة، ممكن تزود لها أفكار أكتر.. خلي اللي يخرج من قلبك يفيد البيئة من حواليك.