منها شرب الشاي والمشي: حاجات أوعى تعملها بعد الأكل!
Cairo 360
تعرف أن فيه مجموعة من العادات والسلوكيات لو بتعملها بعد الأكل هتعرضك لمشاكل كتير وأضرار حقيقية؟ أيوة فعلًا فيه بعض العادات والسلوكيات اللي بيقوم بها الإنسان بعد تناول الأكل، بتسبب أثر سلبي كبير على الصحة، وعلشان سلامتك فالمتخصصين بينصحوك بشوية حاجات. تعالوا نشوف 6 تصرفات وسلوكيات، بينصحنا الخبراء بتجنبها بعد تناول الأكل، والنصائح دي ترجمه موقع هافنجتون بوست عربي عن موقع Yeni Akit التركي.
فك حزام البنطلون
لو قمت بفك حزام بنطلونك بعد تناول الطعام، ده ممكن يسبب لك مشاكل صحية بالأمعاء. ولو عملت السلوك ده بشكل مستمر ولفترة طويلة، فده ممكن يؤدي إلى مشاكل معوية حادة، أو الإصابة بسرطان القولون.
النوم
للأسف فيه ناس كتير بعد الأكل بتقرر تنام، وفي الحالة دي بتقوم المعدة بهضم الأكل أثناء اللاوعي، والأمر ده ممكن يؤدي إلى حدوث التهابات بالأمعاء ومشاكل في المعدة.
تناول الفاكهة
تناول الفاكهة بعد الطعام مباشرة مالهوش أي فائدة تذكر؛ على العكس تمامًا، بيتسبب في ضرر كبير؛ لأن الفاكهة اللي هتاكلها بعد الطعام، بتاخد مكان الهواء الموجود في المعدة. وينصح خبراء التغذية بتناول الفاكهة بعد ساعة أو اثنين من تناول الطعام.
شرب الشاي
شرب الشاي بعد تناول الطعام مباشرة، يُصعّب على المعدة هضم البروتينات؛ وده بسبب كمية الأحماض الكبيرة اللي بيحتوي عليها الشاين علشان كدة بننصحك تتوقف عن العادة دي فورًا.
أوعى تاخد دش!
الاستحمام بيزيد من تدفق الدم، وبيتركز التدفق ده بالأساس في اليدين والقدمين. وبالتالي بتقل كمية الدم المتدفقة إلى المعدة، وده بيؤدي إلى بطء عملية الهضم.
المشي
أيوة.. علميًا المشي بعد تناول الطعام مباشرة بيؤثر على الجهاز الهضمي وعملية الأيض. ونتيجة لده، يفقد الطعام كل الفيتامينات والمعادن الموجودة فيه وبيصبح بلا فائدة.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
