The Definitive Guide to Living in the Capital , Cairo , Egypt

في فصل الشتاء، بيكون فيه زيادة في معدلات الإصابة بنزلات البرد والإنفلونزا، وعلشان كده بنحتاج لتناول أطعمة تساعدنا في تقوية الجهاز المناعي، علشان تحمينا من الأمراض دي، واللي حل عليها ضيف جديد أشد فتكًا وهو فيروس “كورونا” المستجد (كوفيد 19).

ولحماية الجسم من  أمراض الشتاء كـ”الانفلونزا” ونزلات البرد، وحتى فيروس “كورونا” بينصح الخبراء بتناول 5 أطعمة غنية بالعناصر اللي بتساعد في تقوية مناعته. وهي:

البطاطا الحلوة

ليه لون البطاطا قريب من اللون البرتقالي؟ الإجابة هي أن اللون ده بيتشكل نتيجة أنها غنية بعنصر “بيتا كاروتين”. و”بيتا كاروتين” هو أحد مضادات الأكسدة الطبيعية اللي بيتم تحويلها إلى فيتامين A، ونقص فيتامين A مرتبط بجهاز المناعة الضعيف. وعلشان كده بينصح بتناول البطاطا في الشتاء.

الرمان

ناس كتير ماتعرفش أن الرمان بيعتبر غذاء خارق، وده لكونه غني بعناصر غذائية فريدة. وكل جزء من نبات الرمان تقريبًا بيعتبر مضاد للميكروبات. ده غير أنه غني بفيتامين C بالإضافة للكثير من العناصر الغذائية الأخرى المقوية للمناعة.

التوت البري

غني بفيتامين “سي”، ومكونات تانية ثبت علميًا أنها بتساعد في منع الإنفلونزا من تدمير الجسم. وعلشان كده شرب كوب من عصير التوت البري بيساعد في فترات الألم.

عصير البرتقال

البرتقال من أغنى الأطعمة بفيتامين C، وهو عنصر غذائي بيقوي جهاز المناعة وبيحمي الخلايا وبيعزز إنتاج الخلايا المناعية.

ومع اقتراب فصل الشتاء، بيعتبر عصير البرتقال من أكثر المشروبات المفضلة لدى الكثيرين.

الثوم

كشفت دراسة علمية أن تناول الثوم القديم يوميًا قادر أنه يقلل من فعالية أعراض الأنفلونزا والبرد. وبيحتوي الثوم على مركب يسمى “الأليسين”، واللي بيتكون لما بيتم مضغ الثوم، وهو في الواقع يدعم جهاز المناعة.