The Definitive Guide to Living in the Capital , Cairo , Egypt

من غير مشاوير.. إزاي تعمل جواز سفر صحي إلكتروني في 10 دقائق؟
بواسطة
Mohamed Talaat

لو كنت من عشاق السفر، فأكيد جربت بنفسك صعوبة إجراءات السفر من وقت ظهور جائحة كورونا (كوفيد 19) ولحد النهارده بسبب اشتراط معظم المطارات تقديم ما يفيد بالتطعيم ضد فيروس كورونا. لكن الخبر الإيجابي هو إن مصر أعلنت رسميًا من ساعات عن إطلاق مشروع تطبيق جواز السفر الإلكتروني التابع لوزارة الصحة.. تعالوا نعرف التفاصيل.

التطبيق أقرب لدليل رسمي على التطعيم ضد “كوفيد-19″، والهدف منه استبدال شهادة التطعيم العادة بشهادة إلكترونية معترف بيها، والحكومة قررت تاخد الخطوة دي لتجنب الاحتيال وتزوير الشهادات المعتمدة.

التطبيق بسيط جدًا، كل اللي عليك هو إدخال رقم البطاقة الشخصية أو رقم جواز السفر ورقم تسجيل اللقاح، وهو الرقم اللي سبق واتبعت لك في رسالة نصية من وزارة الصحة لما قمت بتسجيل طلب اللقاح.

بعدها هيبقى مطلوب منك تقديم صورة شخصية ودفع 100 جنيه رسوم، وبعدها الموضوع انتهى وهيبقى عندك جواز سفر صحفي إلكتروني معترف بيه.

تقدر تنزل التطبيق من جوجل بلاي من هنا، ومن آب ستور من هنا.

إحنا في كايرو 360 جربنا التطبيق بنفسنا، وهو بالنسبة لمستخدمي أيفون شغال بشكل رائع وسريع من غير أي مشاكل، والأمر ماخدش مننا أكتر من 10 دقائق.

لكن لاحظنا على أندرويد وجود شوية مشاكل فنية، لكن القائمين على التطبيق شغالين على حل المشاكل دي.. لكن اطمئن.. في النهاية هتقدر تكمل كل خطوات إصدار الشهادة الإلكترونية.

جربوا التطبيق بنفسكم!

مقترح