The Definitive Guide to Living in the Capital , Cairo , Egypt

السياحة العلاجية من أهم أنواع السياحة اللي مصر بتستفيد منها، وده لأننا بنمتلك عيون كبريتية وبحيرات مملحة وكثبان رملية وحمامات طين، وكلها خرجت طبيعية، وهي غنية بالمعادن القوية اللي بتساعد على علاج الكثير من الأمراض زي مشاكل الجهاز الهضمي والنقرس والسكري والروماتيز، والتهاب المفاصل وارتفاع ضفط الدم، وكمان من ضمن فوائدها أنها مسكنة للآلام وبتعمل استرخاء وبتقلل التوتر، وبتحفز على النوم الأفضل، وخلال السطور اللي جاية هنقولكم على كل اللي محتاجين تعرفوه عن مصادر السياحة العلاجية وتفاصيل وجودها في مصر.

لو اتكلمنا على ينابيع المياه السخنة أو الكبريتية فبالتأكيد هنتكلم عن سيوة في أول الأمر، لأنها فيها 200 ينبوع علاجي بيجيلهم ناس من كل العالم، وأشهرهم عين كليوباترا، لأن كان بيعتقد أن الملكة كليوباترا كانت بتمارس فيها طقوس علاجية، وتعتبر سيوة قلب مواقع العلاج الطبيعي في مصر، نظرًا لكثرة اليمابيع والكثبان الرملية اللي بيتدفن فيها الناس للعلاج وكمان البحيرات المالحة اللي بتشفى الجروح بصورة رهيبة، وهي كانت وجهت ملوك مصر دايمًا.

ولو أنتوا من زوار سيوة هتلقوا ناس من كل العالم بتطفوا ومسترخية فوق بحيرات الملح اللي موجودة ناحية جبل التبيتة، وتسمى “المياه الكريستالية”، لأنها بتعالج أمراض الجلد والجيوب الأنفية.

وكمان من ضمن السياحة العلاجية اللي بتزور سيوة بتتجه للعاج بأشعة الشمس، وبيقعد السياح على الرملة الساخنة وتحت أشعة الشمس بالقرب من جبل مدكور وده خلال أيام الصيق المشمسة، وده لعلاج أمراض الروماتيزم والعقم وآلام المفاصل، وده برنامج علاجي ممكن يتكرر على أكتر من يوم.

كمان في سيناء موجود أشهر الينابيع في مصر “حمام موسى”، واللي فيه اعتقاد أن نبي الله موسى مر عليه في رحتله، وهو من أشهر ينابيع الشرق الأوسط، وبيلجأ له الناس لتخفيف آلام الروماتيزم والاضرابات العضلية الهيكلية.

ومن ضمن الحمامات المشهورة “حمام فرعون” وهو الأقرب للقاهرة وموجود في شمال خليج السويس، وبينقسم لجزئين، واحد “كهف”، والجزء الثاني “ينابيع مياه ساخنة” ويشاع أن درجة حرارة المياه بتوصل 92 درجة مئوية، وبيساعد في علاج مشاكل الجهاز الهضمي وأمراض الجلد والرئتين والكلى.

أما راس سدر، فموجود فيها حمامات الطين اللي بتخرج من قلب الطبيهة داخل وادي عسل، والمكان ده مهم جدًا للسياحة العلاحية، لأن الطين الموجود حوالين الينابيع بيحتوى على خصائص كتير مضادة للالتهابات، وبيعالج آلام المفاصل وكل ما يخص التعب العضلي، وبيتدفن طالبين العلاج بالطين وبعد ما يخلصوا بيستحموا في الينبوع السخن.

كمان فيه العلاج بالرمال السوداء، وهي موجودة في مدينة سفاجا اللي بتتبع البحر الأحمر، ومعروف أن الرمال السوداء بتعالج التهابات الجلد والصدفية وبتخفف التهابات المفاصل.

الأماكن كتير جدًا في مصر والسياحة العلاجية مهمة ولها مستقبل باهر، واللي نقلناه ده جزء بسيط من المشهور، وأكيد هنتكلم عن أماكن تانية كتير مميزة الفترة اللي جاية.